खेड एमआयडीसी परिसरात मुसळधार पावसात उघड्यावर वाहाणाऱ्या ओढे आणि नाल्यात चक्क रासायनिक सांडपाणी वाहात असल्याचा प्रकार उघड झाला आहे.
त्यामुळे परिसरात दुर्गंधी पसरली असून प्रदूषण नियंत्रण मंडळाने कारवाई करण्याची मागणी केली जात आहे. लोटे एमआयडीसी हा परिसर केमिकल झोन आहे.
येथील रासायनिक कंपन्यांनी त्यांचे रासायनिक सांडपाणी सामूहिक सांडपाणी प्रकल्प म्हणजेच सीएईटीपीमध्ये सोडून त्या ठिकाणी त्या दूषित रासायनिक सांडपाण्यावर प्रक्रिया करून नंतर ते लांब खाडीत सोडले जाते.
या साठी प्रत्येक कंपनीला ठराविक क्षुल्क आकारले जाते, आपला आर्थिक फायदा होण्यासाठी लहान आणि मध्यमवर्गीय कंपन्यांकडून पावसाचा फायदा घेऊन रासायनिक सांडपाणी सरळ सरळ उघड्यावर ओढे आणि नाल्यात सोडले जाते, या संदर्भात स्थानिक नागरिक आक्रमक झाले असून उघड्यावर घातक रासायनिक सांडपाणी सोडणाऱ्या कंपन्यांवर प्रदूषण नियंत्रण मंडळाने गुन्हा दाखल करून कारवाई करण्याची मागणी केली आहे.
खेड तालुक्यातील लोटे एमआयडीसी परिसरामध्ये सतत होणाऱ्या या प्रदूषणाबाबत महाराष्ट्र नवनिर्माण सेनेचे कामगार सेनेचे सरचिटणीस संजय आखाडे हे आक्रमक झाले आहेत एमआयडीसीतील दोन कंपन्या समोर चेंबर मधून व गटारातून उघड्या वरती पाणी सोडण्याचा प्रकार त्यांनी उघडकीस आणला संजय आखाडे यांनी दिलेल्या माहितीनुसार लोटे एमआयडीसीमधील दोन कंपन्यांच्या खान इंडस्ट्रीज कंपनी व लासा कंपनी च्या आवारातून थेट वाहत्या गटारामध्ये व नाल्यांमध्ये पाणी सोडले जात.
यासंदर्भात त्यांनी महाराष्ट्र प्रदूषण नियंत्रण मंडळाच्या प्रादेशिक अधिकाऱ्यांकडे तक्रार देखिल केली असल्याचे सांगितले. घातक रासायनिक सांडपाणी उघड्यावर सोडणाऱ्या या कंपन्या वर कारवाई झाली नाही तर आंदोलन करण्याचा इशारा संतोष आखाडे यांनी दिला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
