दिवा ते रोहा या मार्गावर नियमितपणे धावणाऱ्या मेमू लोकलच्या चिपळूणपर्यंतच्या दि. १५ ते ३० मार्च २०२४ पर्यंतच्या सर्व विस्तारित फेऱ्या रद्द करण्यात आल्या आहेत.
मागील दोन वर्षांपासून केवळ गर्दीच्या हंगामात दिवा- रोहा मेमू चिपळूणपर्यंत विस्तारित केली जात असल्याने रेल्वेला रोहावासीय प्रवाशांचा रोष ओढवून घ्यावा लागला होता.
त्यासाठी दोन वर्षांपूर्वी रोहा येथे संतप्त प्रवाशांनी या विस्ताराविरोधात ‘रेल रोको’ करून चिपळूणपर्यंत विस्तारित केलेली मेमू रद्द करायला भाग पाडली होती. यावेळी तशी वेळ येऊ नये, यासाठी रेल्वेने सावध पवित्रा घेत विस्तारित केलेली ही गाडी आधीच रद्द केली आहे.
दि. ८ मार्च 2024 पासून दिवा ते रोह्यादरम्यान धावणारी मेमू लोकल ट्रेन चिपळूणपर्यंत विस्तारित करण्यात आली होती. ही गाडी शून्य 01597/01598 या क्रमांकाने विशेष मेमू गाडी म्हणून चालवली जात होती.
दिवा ते रोहा या मार्गावर आधीच सेवेत असलेली गाडी विस्तारित करण्यात आली होती. मात्र, मागील काही दिवस ही गाडी विलंबाने धावत असल्याने चिपळूण येथून रोह्याला जाताना पुढे रोहा ते दिवा या नियमित फेऱ्यांना देखील विलंबाचा फटका सहन करावा लागत होता.
यामुळे मागील अनुभव लक्षात घेता नियमित प्रवाशांचा रोष ओढवून घेण्याआधीच चिपळूण मेमूच्या 15 ते 30 मार्च 2024 पर्यंतच्या सर्व फेऱ्या रद्द केल्या आहेत.
कोकणात होळीसाठी येणाऱ्या प्रवाशांसाठी ही गाडी लाभदायक ठरत होती. विस्तारित केलेली गाडी रद्द करण्यात आल्याने आता चिपळूणपर्यंत येणाऱ्या प्रवाशांना पर्यायी गाडीची प्रतीक्षा लागली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
