दापोली तालुक्यातील सोवेली मोहल्ला येथे शुल्लक कारणावरून दोन गटात हाणामारी झाल्याचा प्रकार समोर आलाय.
दोन्ही गटाने परस्पर विरोधी तक्रार दाखल केल्यामुळे 11 जणांवर गुन्हा दाखल झाला आहे. ही घटना 3 मार्च रोजी सकाळी 8:30 वाजण्याच्या सुमारास घडली.दापोली पोलिसांनी दिलेल्या माहितीनुसार, अर्शीया इर्शाद टेटवलकर या सकाळी 8:30 वाजण्याच्या सुमारास स्वतःशीच बोलत होत्या.
तेव्हा त्यांच्या शेजारी राहणाऱ्या सुगरा तय्यब टेटवलकर, तैमीना नदीम पावसकर याठिकाणी येऊन अर्शीया टेटवलकर हिला आमचं आम्ही बघून घेऊ असं बोलत वाद घालायला सुरुवात केली.
अर्शीया हिला हाताने मारण्यास सुरुवात केली. नाजनीन अबूबकर पावस्कर, नजमा दिलावर पावसकर, नसिमा तय्यब पावसकर, यास्मिन गणी बावस्कर आफरीन सावरटकर फरीन या सर्वांनी मिळून अर्शीया टेटवलकर हिला मारहाण केली. या मारहाणीत अर्शीया हिच्या पायाला दुखापत झाली.
त्या वेळेला नाजनीन अबूबकर पावसकर हिने तुला कोठे तक्रार द्यायची ते दे आम्ही कोणाला घाबरत नाही तू तक्रार दिली तर तुला मारून टाकू अशी धमकी देऊन शिवीगाळ केली. याची फिर्याद आरशिया टेटवलकर हिने दापोली पोलीस स्थानकात दिली.
या तक्रारीनुसार आठ जणांवर भादवि कलम 143, 147, 149, 323, 504, 506 प्रमाणे गुन्हा दाखल करण्यात आलेला आहे.
याच प्रकरणी परस्पर विरोधी गुन्हा दाखल करण्यात आला आहे. सदर मारहाणीत फिर्यादीचा ड्रेस मागून फाडून त्याचे नुकसान करून अल्फिया इर्शाद टेटवलकर, इकरा इर्शाद टेटवलकर यांनीही फिर्यादीला शिवीगाळ करीत ठार मारण्याची धमकी दिली होती.
फिर्यादीत नमूद करण्यात आले आहे. या फिर्यादीनुसार तिघांवर भादवि कलम 324, 504, 506, 427, 34 प्रमाणे गुन्हा दाखल करण्यात आला आहे. याप्रकरणी दापोली पोलीस अधिक तपास करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
