रत्नागिरी : शहरातील माळनाका येथील अद्वैत पेट्रोल पंपाच्या समोर चार मित्रांमध्ये किरकोळ कारणातून राडा झाला.
या राड्यात एकाला दुखापत झाल्याने त्याला उपचारासाठी जिल्हा शासकीय रुग्णालयात दाखल करण्यात आले आहे. हा सर्व प्रकार बुधवार २१ फेब्रुवारी रोजी दुपारी ४ वाजण्याच्या सुमारास घडला.
सूरज पुरुषोत्तम आडविलकर (२४, रा. गावडे आंबेरे- रत्नागिरी) असे या मारहाणीत जखमी झालेल्या तरुणाचे नाव आहे. त्याच्या डोक्यात दगड मारून त्याला गंभीर जखमी करण्यात आले आहे.
जिल्हा शासकीय रुणालयातून मिळालेल्या माहितीनुसार सूरज हा राजिवडा येथे बोटीवर नोकरी करतो. बुधवारी सायंकाळी तो माळनाका येथे मित्रांसमवेत असताना कोणत्यातरी अज्ञात कारणातून मित्रां-मित्रामध्ये वाद झाला. या वादाचे रुपांतर मारहाणीत झाले.
यामध्ये एका मित्राने त्याच्या डोक्यात दगड मारला. त्यामुळे डोक्याला गंभीर दुखापत झाली.
मात्र दगड मारल्यानंतर जखमी अवस्थेत तिथेच होता. इतर मित्रांनी तेथून पलायन केले.
जखमी अवस्थेत आडविलकर जिल्हा शासकीय रुग्णालयात दाखल झाला त्याच्यावर उपचार सुरू आहे. या प्रकरणी सायंकाळी उशिरापर्यंत शहर पोलिस ठाण्यात तक्रार दाखल करण्याची कार्यवाही सरू होती.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
