रत्नागिरी शहरातील भट्ये नाका परिसरातील रस्त्यावर फिट आल्याने ३० वर्षीय तरुणाचा मृत्यू झाल्याची दुर्दैवी घटना घडली आहे. अक्षय शशिकांत आयरे (वय ३०, रा. फणसोप सडा, ता. जि. रत्नागिरी) असे मृत तरुणाचे नाव आहे. त्याला उपचारासाठी रत्नागिरी येथील सिव्हिल हॉस्पिटलमध्ये दाखल करण्यात आले होते. मात्र, उपचार सुरू असताना गुरुवारी (१२ नोव्हेंबर) मध्यरात्री १२.२४ वाजता वैद्यकीय अधिकाऱ्यांनी त्याला तपासून मृत घोषित केले.
पोलिसांकडून मिळालेल्या माहितीनुसार, बुधवार (११ नोव्हेंबर) रोजी अक्षय आयरे हा भट्ये नाका येथील रस्त्यावर असताना त्याला अचानक फिट आली. या घटनेची माहिती त्याचा मित्र श्रवण रसाळ याने अक्षयच्या कुटुंबीयांना दिली. त्यानंतर अक्षयला तातडीने उपचारासाठी रत्नागिरीतील सिव्हिल हॉस्पिटलमध्ये दाखल करण्यात आले.
दरम्यान, रात्री सुमारे ११.४५ वाजण्याच्या सुमारास अक्षयचा मित्र श्रवण रसाळ याने त्याचा भाऊ अलंकार शशिकांत आयरे यांना फोन करून अक्षयला फिट आल्याने सिव्हिल हॉस्पिटलमध्ये दाखल केल्याची माहिती दिली. माहिती मिळताच अलंकार आयरे हे रुग्णालयात पोहोचले. त्यावेळी अक्षयवर अपघात विभागात उपचार सुरू होते.
मात्र, उपचार सुरू असतानाच १२ नोव्हेंबर रोजी मध्यरात्री १२.२४ वाजता रुग्णालयातील वैद्यकीय अधिकाऱ्यांनी अक्षयची तपासणी करून त्याला मृत घोषित केले. या घटनेमुळे फणसोप परिसरात हळहळ व्यक्त होत आहे.
या प्रकरणी रत्नागिरी शहर पोलीस ठाण्यात आकस्मिक मृत्यू क्रमांक १४८/२०२६, भारतीय नागरिक सुरक्षा संहिता (BNSS) कलम १९४ अन्वये नोंद करण्यात आली आहे.
अक्षयच्या मृत्यूचे नेमके वैद्यकीय कारण पोलीस नोंदीत स्पष्ट करण्यात आलेले नाही.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
