माणगाव तालुक्यात रविवार, १ नोव्हेंबर हा दिवस अपघातांच्या दोन दुर्दैवी घटनांमुळे घातवार ठरला. तालुक्यातील दोन वेगवेगळ्या ठिकाणी झालेल्या अपघातांत दोन महिलांचा मृत्यू झाला, तर एका व्यक्तीला दुखापत झाली आहे. एकाच दिवशी घडलेल्या या दोन घटनांमुळे परिसरात हळहळ व्यक्त होत आहे.
पहिली घटना पुण्याहून माणगावच्या दिशेने येत असताना ताम्हिणी घाटात घडली. पूजा मनोज गोरे (वय २७) या दुचाकीवरून प्रवास करत असताना दुचाकीचा अपघात झाला. या दुर्घटनेत पूजा गोरे यांचा मृत्यू झाला. त्यांच्यासोबत दुचाकीवर असलेले मंजीत संजय शर्मा (वय ३२) हे जखमी झाले. अपघातानंतर त्यांना उपचारासाठी दाखल करण्यात आल्याची माहिती आहे.
दुसरी घटना माणगाव तालुक्यातील वडवली येथे घडली. कैसर जुल्फिकार येलूकर (वय ४०) या घरातील कचरा टाकण्यासाठी जात असताना एका टेम्पोने त्यांना धडक दिली. या अपघातात त्या गंभीर जखमी झाल्या. मात्र, या दुर्घटनेत त्यांचा मृत्यू झाला.
एकीकडे ताम्हिणी घाटातील दुचाकी अपघातात २७ वर्षीय तरुणीचा मृत्यू, तर दुसरीकडे वडवली येथे टेम्पोच्या धडकेत ४० वर्षीय महिलेचा मृत्यू झाल्याने माणगाव तालुक्यात शोककळा पसरली आहे. एकाच दिवशी दोन महिलांचा अपघाती मृत्यू झाल्याने नागरिकांकडून हळहळ व्यक्त केली जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
