दापोली तालुक्यातील जालगाव येथील विद्यानगर परिसरात घरात स्वयंपाक करण्यासाठी येणाऱ्या महिलेने मालकाच्या घरातून सुमारे ९८ हजार २८२ रुपये किमतीचे सोन्या-चांदीचे दागिने आणि रोकड चोरल्याची तक्रार दापोली पोलिस ठाण्यात दाखल करण्यात आली आहे. या प्रकरणी पोलिसांनी महिलेविरुद्ध भारतीय न्यायसंहिता अधिनियम २०२३ मधील कलम ३०६ अन्वये गुन्हा दाखल केला आहे.
पोलिसांनी दिलेल्या माहितीनुसार, ही घटना २१ सप्टेंबर २०२६ रोजी दुपारी १२ वाजण्यापूर्वी जालगाव, विद्यानगर येथील फिर्यादी रविंद्र गंगाराम क्षिरसागर (वय ६२) यांच्या राहत्या घरात घडल्याचे तक्रारीत नमूद करण्यात आले आहे.
फिर्यादी यांच्या घरी स्वयंपाक करण्यासाठी येणाऱ्या उषा विकास सर्वे (वय ४३) यांनी स्वतःच्या फायद्यासाठी लबाडीच्या उद्देशाने घरातील सोन्या-चांदीचे दागिने आणि रोख रक्कम चोरून नेल्याचा आरोप तक्रारीत करण्यात आला आहे.
चोरीस गेलेल्या वस्तूंमध्ये तीन चांदीची निरांजने, एक चांदीची वाटी आणि एक चांदीचा करंडा, तसेच सोन्याचे लहान मुलांच्या हातातील ब्रेसलेट व सटवी यांचा समावेश आहे. याशिवाय ५०० रुपये रोख रक्कम चोरीस गेल्याचे तक्रारीत नमूद आहे.
चोरीस गेलेल्या मालमत्तेचे एकूण मूल्य ९८ हजार २८२ रुपये असल्याचे पोलिस नोंदीत नमूद करण्यात आले आहे.
या प्रकरणी २८ सप्टेंबर रोजी रात्री ८.१० वाजता दापोली पोलिस ठाण्यात गुन्हा दाखल करण्यात आला असून, पोलिसांकडून पुढील तपास सुरू आहे. आरोपी महिलेवरील आरोप हे तक्रारीवर आधारित असून, प्रकरणाचा तपास पूर्ण झाल्यानंतरच वस्तुस्थिती स्पष्ट होणार आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
