राजापूर तालुक्यातील नाणार-भटवाडी येथे अज्ञात चोरट्याने दिवसा घराचे कुलूप तोडून घरात प्रवेश करत सुमारे १२ हजार रुपये किमतीचे चांदीचे साहित्य चोरून नेल्याची घटना २६ सप्टेंबर रोजी घडली. या प्रकरणी नाटे पोलीस ठाण्यात अज्ञात चोरट्याविरोधात घरफोडी व चोरीचा गुन्हा दाखल करण्यात आला आहे.
पोलिसांनी दिलेल्या माहितीनुसार, लता वासुदेव साईम (६५, सेवानिवृत्त, रा. नाणार-भटवाडी, ता. राजापूर) यांच्या राहत्या घरी २६ सप्टेंबर रोजी सकाळी ९.४५ ते दुपारी ३.३० वाजण्याच्या दरम्यान ही चोरी झाली. अज्ञात चोरट्याने घराच्या मुख्य दरवाजाचे कुलूप तोडून घरात प्रवेश केला.
घरात प्रवेश केल्यानंतर चोरट्याने दोन्ही बेडरूममधील कपाटे उचकटून त्यातील मौल्यवान वस्तूंची तपासणी केली. यावेळी त्याने सुमारे ४ हजार ५०० रुपये किमतीचे एक वाटी असलेले चांदीचे हळदी-कुंकवाचे भांडे तसेच ७ हजार ५०० रुपये किमतीचे गोल आकाराचे चांदीचे निरंजन असा एकूण १२ हजार रुपये किमतीचा मुद्देमाल चोरून नेला.
घरफोडीची माहिती मिळाल्यानंतर नाटे पोलिसांनी घटनास्थळी पाहणी करत तपास सुरू केला. याप्रकरणी गुन्हा क्रमांक १०३/२०२६ अन्वये भारतीय न्यायसंहिता अधिनियम २०२३ मधील कलम ३३१(३), ३०५(अ) तसेच संबंधित जुन्या भारतीय दंड संहितेतील कलम ४५४, ३८० अन्वये गुन्हा दाखल करण्यात आला आहे.
दिवसा घर बंद असल्याची संधी साधून चोरट्याने घरफोडी केल्याने परिसरात चिंता व्यक्त होत असून, अज्ञात आरोपीचा शोध घेण्यासाठी नाटे पोलिसांकडून तपास सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
