चिपळूण येथे गणेशोत्सवाच्या निमित्ताने सामाजिक बांधिलकी जपत अपरांत मल्टीस्पेशालिटी व सुपरस्पेशालिटी हॉस्पिटल यांच्या वतीने चिपळूण शहरातील नवसाचा राजा गणपती मंडळ येथे मोफत आरोग्य तपासणी शिबिराचे आयोजन करण्यात आले. या शिबिराला गणेशभक्त आणि नागरिकांचा उत्स्फूर्त प्रतिसाद मिळाला.
या आरोग्य शिबिरामध्ये नागरिकांची रक्तदाब, रक्तातील साखर, ईसीजी यांसह प्राथमिक आरोग्य तपासणी करण्यात आली. तसेच तज्ज्ञ डॉक्टरांकडून नागरिकांची तपासणी करून त्यांच्या आरोग्यविषयक समस्यांबाबत आवश्यक मार्गदर्शन करण्यात आले.
दैनंदिन जीवनातील आहाराच्या सवयी, आरोग्याची काळजी, नियमित तपासणीचे महत्त्व तसेच विविध आजारांची प्राथमिक लक्षणे याबाबतही नागरिकांना माहिती देण्यात आली. तपासणीदरम्यान काही आरोग्यविषयक समस्या आढळल्यास पुढील उपचार आणि आवश्यक वैद्यकीय सल्ल्याबाबतही मार्गदर्शन करण्यात आले.
गणेशोत्सवाच्या उत्साहात नागरिकांनी आपल्या आरोग्याकडेही लक्ष द्यावे, या उद्देशाने आयोजित करण्यात आलेल्या या उपक्रमाचा बहुसंख्य नागरिकांनी लाभ घेतला. मोफत तपासणीच्या माध्यमातून नागरिकांना त्यांच्या आरोग्याची प्राथमिक माहिती मिळाल्याने या उपक्रमाचे स्वागत करण्यात आले.
सामाजिक बांधिलकीच्या माध्यमातून आरोग्यसेवा नागरिकांपर्यंत पोहोचविण्याचा अपरांत हॉस्पिटलचा हा उपक्रम गणेशोत्सवात विशेष ठरला.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
