चिपळूण : शहरातील देसाई बाजार–पाग नाका परिसरात संशयास्पदरीत्या मोटारसायकल चालविताना आढळून आलेल्या १८ वर्षीय तरुणाला चिपळूण पोलिसांनी ताब्यात घेतले. या कारवाईदरम्यान पोलिसांनी सुमारे ५० हजार रुपये किमतीची हिरो होंडा स्प्लेंडर मोटारसायकल जप्त केली. वाहनाच्या मालकीबाबत समाधानकारक माहिती न मिळाल्याने पोलिसांनी कायदेशीर कारवाई केली आहे.
ही कारवाई सोमवार, १४ सप्टेंबर रोजी दुपारी सुमारे १२.२० वाजण्याच्या सुमारास देसाई बाजार–पाग नाका परिसरात करण्यात आली.
पोलिसांनी दिलेल्या माहितीनुसार, अरमान बशीर अहमद शेख (वय १८, रा. दिहवा सोनी, गोंडा, उत्तर प्रदेश) हा एमएच १४ एए २१३१ क्रमांकाची मोटारसायकल घेऊन संशयास्पदरीत्या फिरताना पोलिसांच्या निदर्शनास आला. त्याच्या हालचाली संशयास्पद वाटल्याने पोलिसांनी त्याला थांबवून दुचाकीबाबत चौकशी केली.
चौकशीदरम्यान पोलिसांनी संबंधित मोटारसायकलची मालकी, वाहनाची कागदपत्रे तसेच दुचाकी त्याच्याकडे कशी आली याबाबत माहिती विचारली. मात्र, मोटारसायकलच्या मालकी हक्कासंदर्भात तो पोलिसांना समाधानकारक स्पष्टीकरण देऊ शकला नाही. त्यामुळे पोलिसांचा संशय अधिक बळावला.
यानंतर पोलिसांनी मोटारसायकलची तपासणी केली असता ती काळ्या रंगाची हिरो होंडा कंपनीची स्प्लेंडर असल्याचे आढळून आले. या दुचाकीची अंदाजे किंमत ५० हजार रुपये असल्याचे पोलिसांनी नमूद केले आहे. विशेष म्हणजे, तपासणीदरम्यान वाहनाचा चेसीस क्रमांक आणि इंजिन क्रमांक दिसून येत नसल्याचेही समोर आले आहे.
या प्रकरणी चिपळूण पोलीस ठाण्यात गुन्हा क्रमांक २८०/२०२६ अन्वये महाराष्ट्र पोलीस कायद्यातील कलम १२४ प्रमाणे गुन्हा नोंद करण्यात आला आहे. पोलिसांनी संबंधित तरुणाला ताब्यात घेत मोटारसायकल जप्त केली आहे.
दरम्यान, जप्त करण्यात आलेल्या दुचाकीचा मूळ मालक कोण, वाहनाची कागदपत्रे का उपलब्ध नाहीत आणि चेसीस व इंजिन क्रमांकाबाबतची वस्तुस्थिती काय आहे, याचा तपास पोलीस करीत आहेत. वाहन चोरीचे आहे का किंवा त्यासंदर्भात अन्य काही बाबी आहेत का, याबाबतचा तपास पूर्ण झाल्यानंतर अधिक माहिती स्पष्ट होणार आहे.
या प्रकरणाचा पुढील तपास चिपळूण पोलीस करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
