दापोली-करजगाव मार्गावर एसटी बस आणि रिक्षाची धडक होऊन अपघात झाल्याची घटना १२ ऑगस्ट रोजी दुपारी चंद्रनगर फाटा ते चंद्रनगर चिंच झाड परिसरात घडली. सुदैवाने या अपघातात कोणालाही दुखापत झाली नाही.
दापोली आगाराची एसटी बस क्रमांक MH 14 NE 5232 ही दापोलीहून करजगावच्या दिशेने जात असताना चंद्रनगर चिंच झाड फाटा परिसरात आली. यावेळी TVS रिक्षा क्रमांक MH 08 AO 8490 ही एसटी बसच्या समोरील उजव्या दर्शनी भागावर येऊन आदळली. या धडकेत दोन्ही वाहनांचे नुकसान झाले.
एसटी बसच्या समोरील उजव्या बाजूचे अंदाजे ५ हजार रुपयांचे, तर रिक्षेचे अंदाजे २ हजार रुपयांचे नुकसान झाल्याची माहिती एसटीच्या घटनावृत्तात नमूद करण्यात आली आहे.
या बसचे चालक नितीन भानुदास व्हावळे आणि वाहक गणेश दिगंबर आकरे होते. अपघाताच्या वेळी बसमध्ये प्रवासी नव्हते. त्यामुळे प्रवाशांना कोणतीही दुखापत झाली नाही. तसेच बस चालक, वाहक आणि रिक्षाचालकही सुखरूप आहेत.
या अपघातात प्रथमदर्शनी त्रयस्थ रिक्षाचालक जबाबदार असल्याचे एसटी प्रशासनाच्या अहवालात नमूद करण्यात आले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
