चिपळूण शहरातील एका हॉटेलमध्ये सुरू असल्याचा आरोप असलेल्या कथित वेश्या व्यवसायावर स्थानिक गुन्हे अन्वेषण शाखेच्या (एलसीबी) पथकाने धडक कारवाई करत एका ३९ वर्षीय महिलेला अटक केली आहे. न्यायालयाने तिला दोन दिवसांची पोलीस कोठडी सुनावली असून, या कारवाईमुळे शहरात खळबळ उडाली आहे.
मिळालेल्या माहितीनुसार, चिपळूण शहरातील मध्यवर्ती भागातील एका हॉटेलच्या दुसऱ्या मजल्यावर कथित अनैतिक व्यवसाय सुरू असल्याची गोपनीय माहिती रत्नागिरी स्थानिक गुन्हे अन्वेषण शाखेला मिळाली होती. या माहितीच्या आधारे पोलिसांनी सापळा रचून संबंधित ठिकाणी धाड टाकली. कारवाईदरम्यान तेथे कथित अनैतिक व्यवसाय सुरू असल्याचे पोलिसांच्या निदर्शनास आले.
तपासात अटक करण्यात आलेल्या महिलेने मुंबई येथील २३ वर्षीय तरुणीला या व्यवसायासाठी आणल्याचे समोर आले आहे. तसेच संबंधित तरुणीकडून कथितरित्या हा व्यवसाय करवून घेत असल्याचा आरोप पोलिसांनी केला आहे.
कारवाईनंतर पोलिसांनी ३९ वर्षीय महिलेला अटक केली. बुधवारी तिला न्यायालयात हजर केले असता न्यायालयाने दोन दिवसांची पोलीस कोठडी सुनावली. दरम्यान, संबंधित २३ वर्षीय तरुणीची सुटका करून तिला पुढील आवश्यक कार्यवाहीसाठी सुधारगृहात पाठविण्यात आले आहे.
या प्रकरणाचा पुढील तपास स्थानिक गुन्हे अन्वेषण शाखेकडून सुरू असून, या कारवाईमुळे शहरातील कथित अनैतिक व्यवसायांविरोधात पोलिसांनी कठोर भूमिका घेतल्याची चर्चा सुरू आहे. न्यायालयीन प्रक्रिया पूर्ण होईपर्यंत संबंधित आरोपीवरचे आरोप सिद्ध झालेले नाहीत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
