दापोली तालुक्यातील पिसई गावात तुटलेल्या विद्युतवाहिनीचा शॉक लागून दोन गाभण गाईंचा मृत्यू झाल्याची दुर्दैवी घटना मंगळवारी (२८ जुलै) सकाळी सुमारे १० वाजण्याच्या सुमारास घडली. या घटनेमुळे परिसरात हळहळ व्यक्त होत असून मोरे कुटुंबावर दुःखाचा डोंगर कोसळला आहे.
मिळालेल्या माहितीनुसार, पिसई गावातील स्मशानभूमी परिसरात श्री. नारायण भिकू मोरे हे आपली गुरे चरावयास घेऊन गेले होते. गुरे चरत असताना वीजेच्या खांबावरील एक विद्युतवाहिनी तुटून जमिनीवर पडलेली होती. याच तारेच्या संपर्कात आल्याने दोन गाभण गाईंचा जागीच मृत्यू झाला.
गाई मोठ्याने ओरडू लागल्याने. मोरे घटनास्थळी धावले. मात्र त्यांनी सावधगिरी बाळगत गाईंच्या जवळ हात न लावता तत्काळ ग्रामस्थांना माहिती दिली. त्यानंतर स्थानिक नागरिक अजित एसरे यांनी तातडीने डीपीवरील फ्यूज काढून वीजपुरवठा बंद केला. त्यामुळे पुढील मोठी दुर्घटना टळली.
या घटनेत मृत झालेल्या दोन गाभण गाईंची किंमत सुमारे ₹15,000 इतकी असल्याचा प्राथमिक अंदाज व्यक्त करण्यात येत आहे. घटनेची माहिती पिसईचे पोलीस पाटील, सरपंच, महावितरणचे वायरमन व संबंधित अधिकाऱ्यांना देण्यात आली आहे.
पंचनामा व पशुवैद्यकीय अधिकाऱ्यांच्या तपासणीनंतर गाईंचे मृतदेह मालकांच्या ताब्यात देण्यात येणार आहेत. या घटनेमुळे गावात हळहळ व्यक्त होत असून तुटलेल्या विद्युतवाहिन्यांबाबत महावितरणने तातडीने खबरदारी घेण्याची मागणी नागरिकांकडून केली जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
