संगमेश्वर तालुक्यातील भायजेवाडी येथे एका ८० वर्षीय वृद्ध महिलेने स्वतःला पेटवून घेत आत्महत्या केल्याची हृदयद्रावक घटना घडली आहे. या घटनेमुळे परिसरात एकच खळबळ उडाली असून, वृद्ध महिलेच्या निधनाने गावात शोककळा पसरली आहे.
यमुना भिकू भायजे (वय ८०) असे मृत महिलेचे नाव आहे. त्या आपल्या कुटुंबीयांसोबत भायजेवाडी येथे राहत होत्या. मिळालेल्या माहितीनुसार, ११ मे २०२६ रोजी रात्री सुमारे ११.३० वाजता त्या आपल्या खोलीत झोपण्यासाठी गेल्या होत्या. घरातील सर्वजण झोपल्यानंतर मध्यरात्रीच्या सुमारास त्या घराच्या मागील बाजूस असलेल्या अंगणात गेल्या. तेथे त्यांनी माचिसच्या साहाय्याने स्वतःला पेटवून घेतल्याचे समोर आले आहे.
घटना घडल्यानंतर काही वेळाने घराच्या मागील बाजूस आग दिसून आल्याने कुटुंबीयांना संशय आला. १२ मे रोजी पहाटे सुमारे २.३० वाजण्याच्या सुमारास त्यांचा मोठा मुलगा चंद्रकांत याने घराबाहेर येऊन पाहिले असता आई जळालेल्या अवस्थेत दिसून आल्या. त्या वेळी त्यांच्या शरीराची हालचाल सुरू असल्याने कुटुंबीयांनी तातडीने त्यांना उपचारासाठी ग्रामीण रुग्णालय, देवरुख येथे दाखल केले.
रुग्णालयात वैद्यकीय अधिकाऱ्यांनी तातडीने तपासणी केली. मात्र, त्या गंभीर भाजल्याने त्यांची प्रकृती अत्यंत नाजूक होती. उपचारादरम्यान पहाटे ५.१५ वाजता डॉक्टरांनी त्यांना मृत घोषित केले.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
