दापोली तालुक्यातील निगडे गोठणवाडी परिसरात विश्वास संपादन करून चारचाकी वाहन अपहार केल्याची घटना उघडकीस आली असून, या प्रकरणी दापोली पोलीस ठाण्यात गुन्हा दाखल करण्यात आला आहे. आरोपीने भाडेतत्त्वावर घेतलेली गाडी ठरलेल्या वेळेत परत न करता स्वतःच्या वापरासाठी ठेवून दिल्याने हा प्रकार समोर आला आहे.
या संदर्भात मिळालेल्या माहितीनुसार, अक्षय संजय रेवाळे (वय 30, व्यवसाय – चालक, रा. निगडे गोठणवाडी, ता. दापोली, जि. रत्नागिरी) यांनी आपली इर्टिगा (MH 14 FX 2768) ही चारचाकी गाडी आरोपी नरेश भागोजी सणस (रा. मांडवे, ता. खेड, जि. रत्नागिरी) याला भाडेतत्त्वावर वापरण्यासाठी दिली होती. आरोपीने फिर्यादीचा विश्वास संपादन करून गाडी ताब्यात घेतली होती.
दि. 8 एप्रिल 2026 रोजी सायंकाळी सुमारे 8.30 वाजता गाडी देण्यात आली होती. करारानुसार ही गाडी दि. 20 एप्रिल 2026 रोजी परत करणे अपेक्षित होते. मात्र, आरोपीने गाडी परत न करता ती स्वतःकडेच ठेवली. वारंवार संपर्क करूनही गाडी परत मिळाली नाही, तसेच आरोपीने टाळाटाळ केल्याने अखेर फिर्यादीने पोलिसांकडे धाव घेतली.
दि. 25 एप्रिल 2026 पर्यंत ही बाब कायम राहिल्यानंतर फिर्यादीने अधिकृत तक्रार दाखल केली. त्यानुसार दापोली पोलीस ठाण्यात गुन्हा रजिस्टर क्रमांक 74/2026 अंतर्गत भारतीय न्याय संहिता कलम 316 (2) प्रमाणे गुन्हा नोंदविण्यात आला. हा गुन्हा दि. 27 एप्रिल 2026 रोजी रात्री 8.06 वाजता दाखल करण्यात आला.
सदर प्रकरणाचा तपास वरिष्ठ अधिकाऱ्यांच्या मार्गदर्शनाखाली पोलीस उपनिरीक्षक निर्मळ यांच्याकडे सोपविण्यात आला असून, आरोपीला अटक करण्यात आली आहे.
दरम्यान, अशा प्रकारच्या घटनांमुळे वाहन मालकांनी भाडेतत्त्वावर वाहन देताना आवश्यक कागदपत्रे, ओळखपत्रे व करार प्रक्रिया पूर्ण करूनच व्यवहार करावा, असे आवाहन पोलिसांकडून करण्यात येत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
