गुहागर तालुक्यातील शृंगारतळी बाजारपेठ परिसरात बेकायदेशीरपणे सुरू असलेल्या कल्याण मटका जुगारावर पोलिसांनी धाड टाकत एका आरोपीला ताब्यात घेतले. ही कारवाई गुरुवार, दि. ३० एप्रिल २०२६ रोजी दुपारी सुमारे ३.४६ वाजता टपरीच्या आडोशाला करण्यात आली.
मिळालेल्या माहितीनुसार, स्थानिक गुन्हे अन्वेषण शाखेला या ठिकाणी जुगार सुरू असल्याची गोपनीय माहिती मिळाली होती. त्यानुसार पोलिसांनी सापळा रचून छापा टाकला असता, आरोपी सुभाष सयाजी कोंडविलकर (वय ४१, रा. जानवळे, ता. गुहागर, जि. रत्नागिरी) हा बेकायदेशीररित्या ‘कल्याण मटका’ जुगार चालवत असल्याचे निदर्शनास आले.
या वेळी पोलिसांनी आरोपीला रंगेहात पकडले. त्याच्याकडून एकूण १,४७५ रुपयांचा मुद्देमाल जप्त करण्यात आला असून, त्यामध्ये १,४७० रुपयांची रोख रक्कम तसेच जुगार खेळण्यासाठी वापरण्यात येणारे साहित्य यांचा समावेश आहे.
या प्रकरणी गणेश राजेंद्र सावंत (वय ३७, पोहेकॉ/३०६, स्थानिक गुन्हे अन्वेषण शाखा, पोलीस अधीक्षक कार्यालय, रत्नागिरी) यांनी फिर्याद दिली आहे. त्यावरून गुहागर पोलीस ठाण्यात महाराष्ट्र जुगार अधिनियम कलम १२ (अ) नुसार गुन्हा रजिस्टर क्रमांक ३०/२०२६ दाखल करण्यात आला आहे.
दरम्यान, या कारवाईमुळे शृंगारतळी बाजारपेठ परिसरात सुरू असलेल्या बेकायदेशीर जुगार व्यवसायाला आळा बसण्याची शक्यता व्यक्त होत आहे. पोलिसांनी आरोपीविरुद्ध पुढील कायदेशीर कारवाई सुरू केली असून, या प्रकरणाचा अधिक तपास गुहागर पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
