दापोली तालुक्यातील एका हॉटेलमध्ये घडलेल्या दुर्दैवी घटनेत २३ वर्षीय तरुणाने गळफास घेऊन आत्महत्या केल्याची घटना रविवारी (दि. २६ एप्रिल २०२६) उघडकीस आली. श्रवण निनाद ठाकूर देसाई (वय २३, रा. ५०१ पित्रे बिल्डिंग, डोंबिवली ईस्ट) असे मृत तरुणाचे नाव आहे. दरम्यान हे कुटुंब पर्यटनासाठी दापोलीला आले होते.
मिळालेल्या माहितीनुसार, दि. २६ एप्रिल रोजी सायंकाळी सुमारे ५.१० वाजण्याच्या सुमारास ही घटना घडली. खबर देणारे निनाद विजय ठाकूर देसाई यांच्या पत्नी आरोही या श्रवणला चहा पिण्यासाठी बोलविण्यास गेल्या असता, बाथरूमच्या दरवाज्याच्या हँडलला टॉवेलच्या सहाय्याने त्याने गळफास घेतल्याचे त्यांच्या लक्षात आले. हा प्रकार पाहताच त्यांनी जोराने आरडाओरड केली.
आवाज ऐकून कुटुंबीय व इतरांनी तात्काळ घटनास्थळी धाव घेतली. त्यांनी श्रवणच्या गळ्यातील टॉवेल काढून त्याला खाली उतरवले. त्यावेळी तो बेशुद्ध अवस्थेत असल्याचे दिसून आले. परिस्थितीची गांभीर्य लक्षात घेऊन खबर देणाऱ्यांचे साडू विक्रांत यांनी हॉटेलच्या रिसेप्शनशी संपर्क साधत तातडीने वैद्यकीय मदतीची विनंती केली.
हॉटेल प्रशासनाने तत्काळ अॅम्ब्युलन्सची व्यवस्था केली. अॅम्ब्युलन्सद्वारे श्रवणला उपजिल्हा रुग्णालय, दापोली येथे दाखल करण्यात आले. मात्र, वैद्यकीय अधिकाऱ्यांनी तपासणी केल्यानंतर सायंकाळी ६.३० वाजण्याच्या सुमारास त्याला मृत घोषित केले.
या घटनेची नोंद आम. क्रमांक ४१/२०२६ अन्वये बी.एन.एस.एस. कलम १९४ प्रमाणे करण्यात आली असून पुढील तपास सुरू आहे. मृत्यूचे नेमके कारण स्पष्ट होण्यासाठी पुढील वैद्यकीय प्रक्रिया करण्यात येणार असल्याची माहिती सूत्रांनी दिली.
तरुण वयात घडलेल्या या दुर्दैवी घटनेमुळे परिसरात हळहळ व्यक्त होत असून कुटुंबीयांवर दुःखाचा डोंगर कोसळला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
