चिपळूण शहरातील मध्यवर्ती बस स्थानकाच्या हायटेक बस स्थानकाच्या कामाला वेग आला असून हे काम एप्रिल–मे महिन्याच्या अखेरपर्यंत पूर्ण करून प्रवाशांच्या सेवेत दाखल करण्यात येईल, अशी माहिती ठेकेदार तेजस शिंदे यांनी दिली. शुक्रवारी सायंकाळी नगराध्यक्ष उमेश सकपाळ यांनी सुरू असलेल्या या कामाची प्रत्यक्ष पाहणी केली.
https://www.facebook.com/share/r/17K2eJwho6/?mibextid=wwXIfr
यावेळी संबंधित अधिकाऱ्यांबरोबर सविस्तर चर्चा करण्यात आली.
या चर्चेदरम्यान ठेकेदार तेजस शिंदे यांनी सांगितले की, या प्रकल्पाचे मूळ अंदाजपत्रक २०१६ साली तयार करण्यात आले होते. मात्र, कोरोना काळात शासनाकडून निधीत कपात झाल्यामुळे सुरुवातीला ५.८५ कोटी रुपये मंजूर असलेले हे काम आता २.८७ कोटी रुपयांत पूर्ण केले जात आहे. निधी कमी असतानाही कामाची गुणवत्ता आणि वेळेचे नियोजन राखत सध्या काम वेगाने सुरू आहे, असेही त्यांनी स्पष्ट केले.
नगराध्यक्ष उमेश सकपाळ यांनी पाहणीदरम्यान काही बाबींवर नाराजी व्यक्त केली.
विशेषतः बस स्थानकातील शौचालये अंतर्गत भागात घेण्यात आल्याबाबत त्यांनी असमाधान व्यक्त केले. प्रवाशांच्या सोयीसुविधांचा विचार करून या बाबींचा पुनर्विचार करण्याच्या सूचना त्यांनी दिल्या. तसेच १५ जानेवारीनंतर परिवहन मंत्री मा. प्रताप सरनाईक यांना प्रत्यक्ष पाहणीसाठी या ठिकाणी घेऊन येण्यात येईल, असेही त्यांनी सांगितले. त्याचवेळी बस स्थानकाच्या पहिल्या मजल्यावर अतिरिक्त सुविधा उपलब्ध करून देण्याची मागणी मंत्री महोदयांकडे करण्यात येणार असल्याचे नगराध्यक्षांनी स्पष्ट केले.
पाहणीदरम्यान नगराध्यक्षांनी कामाबाबत आवश्यक त्या सूचना दिल्या. प्रवाशांच्या सुरक्षितता, स्वच्छता आणि सोयीसुविधांना प्राधान्य देऊन काम पूर्ण करण्याचे निर्देश त्यांनी दिले. तसेच शासन आणि चिपळूण नगरपालिकेच्या माध्यमातून या प्रकल्पासाठी आवश्यक ते सर्व सहकार्य दिले जाईल, अशी ग्वाहीही त्यांनी दिली.
या पाहणीप्रसंगी आगर प्रमुख दीपक चव्हाण, स्वप्निल भोसले, स्वरूप माने, गौरव उदक, नगरसेवक निहार कोवळे यांच्यासह संबंधित अधिकारी व कर्मचारी उपस्थित होते. हायटेक बस स्थानक पूर्ण झाल्यानंतर चिपळूण शहरातील प्रवाशांना अधिक सुविधा आणि आधुनिक सेवा मिळणार असल्याची अपेक्षा व्यक्त करण्यात येत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
