रत्नागिरी शहरातील मारुती मंदिर परिसरातील एका इलेक्ट्रिकल्स दुकानात काम करणाऱ्या कामगाराने मालकाची तब्बल ४ लाख ६७ हजार रुपयांची रक्कम गहाळ केल्याचा धक्कादायक प्रकार उघडकीस आला आहे.
परेश महादेव बापर्डेकर (३०, रा. कातळवाडी कोंडये, ता. लांजा) असे संशयिताचे नाव असून, दुकानातील साहित्य विक्रीतून आलेली व इतर दुकानदारांकडून मिळालेली रक्कम स्वतःच्या फायद्यासाठी वापरल्याचा आरोप त्याच्यावर करण्यात आला आहे.
दुकानाचे मालक अमरेश सुरेश पावसकर (४२, रा. माळनाका, रत्नागिरी) यांनी दिलेल्या तक्रारीनुसार, डिसेंबर २०२४ ते १ ऑगस्ट २०२५ या कालावधीत परेश हा त्यांच्या इलेक्ट्रिकल्स दुकानात कार्यरत होता. या काळात विक्रीतून जमा होणारी रक्कम तसेच वितरित साहित्याची देय रक्कम कार्यालयात न जमा करता तो स्वतःकडेच ठेवत असल्याचा आरोप मालकाने केला आहे.
शहर पोलिसांनी तपासानंतर परेश याच्याविरुद्ध भारतीय दंड संहिता कलम ४०८ नुसार गुन्हा दाखल केला असून पुढील तपास सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
