मुंबई-गोवा महामार्गावरील वेरळजवळ शनिवारी सायंकाळच्या सुमारास रिक्षा आणि दुचाकी यांच्यात भीषण अपघात होऊन दोघेजण गंभीररित्या जखमी झाले आहेत.
जखमींना तातडीने कळंबणी येथील उपजिल्हा रुग्णालयात दाखल करण्यात आले असून, त्यांच्यावर उपचार सुरू आहेत. या अपघातामुळे महामार्गावर काही काळ वाहतूकही खोळंबली होती, ज्यामुळे प्रवाशांना गैरसोयीचा सामना करावा लागला.
मिळालेल्या माहितीनुसार, हा अपघात वेरळ गावच्या हद्दीत घडला. अपघाताची तीव्रता इतकी होती की, दुचाकी आणि रिक्षा या दोन्ही वाहनांचे मोठे नुकसान झाले आहे. अपघातानंतर स्थानिक नागरिकांनी आणि महामार्गावरून जाणाऱ्या प्रवाशांनी तात्काळ धाव घेत जखमींना मदत केली.
घटनेची माहिती मिळताच पोलिसांनी घटनास्थळी धाव घेऊन पंचनामा केला आणि वाहतूक सुरळीत केली. अपघाताचे नेमके कारण अद्याप स्पष्ट झालेले नाही.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
