चिखलगाव (ता. दापोली) | लोकसाधना संचलित लोकमान्य टिळक विद्यामंदिर व ज्युनिअर कॉलेज, चिखलगाव येथील शैक्षणिक वर्ष २०२४-२५ चा इयत्ता १२ वीचा निकाल अत्यंत कौतुकास्पद ठरला आहे. वाणिज्य व कला शाखेतील विद्यार्थ्यांनी उल्लेखनीय यश मिळवून संस्थेच्या यशात भर घातली आहे.
वाणिज्य शाखेचा निकाल ९६.५५% इतका लागला असून, कु. ऋषिकेश महेश लोहार याने ८३.८३% गुण मिळवून प्रथम क्रमांक पटकावला. कु. तन्वी तेजस सोलकर (७५.५०%) व कु. ईशा संदीप दवंडे (७४%) यांनी अनुक्रमे दुसरा व तिसरा क्रमांक मिळवून आपले नाव यशस्वी विद्यार्थ्यांच्या यादीत नोंदवले.
कला शाखेचा निकाल १००% लागला असून, कु. अमित काशिनाथ मुकनाक (५४.६७%), कु. शुभम चंद्रकांत बोरघरे (४७.५०%) व कु. अमर दत्तात्रय मोरे (४६.३३%) हे प्रमुख गुणवंत विद्यार्थी ठरले.
या यशामध्ये विद्यार्थ्यांच्या सातत्यपूर्ण परिश्रमासोबतच मुख्याध्यापक, शिक्षकवर्ग, पालक व संस्थेच्या मार्गदर्शनाचा मोलाचा वाटा आहे. एकत्रित निकाल ९७.०६% लागल्याने संस्थेच्या शैक्षणिक गुणवत्तेचा पुन्हा एकदा प्रत्यय आला आहे. सर्व उत्तीर्ण व गुणवंत विद्यार्थ्यांचे मनःपूर्वक अभिनंदन करण्यात येत असून त्यांना उज्ज्वल भविष्यासाठी हार्दिक शुभेच्छा!
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
