दापोली तालुक्यातील जालगाव ब्राम्हणवाडी येथील ३० वर्षीय तरुणाचा उपचारासाठी रुग्णालयात नेत असताना मृत्यू झाल्याची घटना समोर आली आहे. या प्रकरणी पोलिसांनी अकस्मात मृत्यूची नोंद केली असून पुढील तपास सुरू आहे.
मिळालेल्या माहितीनुसार, सागर दयाळ डाखोरे (वय ३०, रा. जालगाव ब्राम्हणवाडी, महालक्ष्मी मंदिरासमोर, ता. दापोली) यांना ६ जून २०२६ रोजी पहाटे सुमारे १.४५ वाजण्याच्या सुमारास घरी असताना अचानक छातीत दुखू लागले व त्यांना मोठ्या प्रमाणात धाप लागण्यास सुरुवात झाली. त्यानंतर कुटुंबीयांनी त्यांना तातडीने भागवत हॉस्पिटल येथे उपचारासाठी दाखल केले.
तेथे प्राथमिक उपचार केल्यानंतर अधिक उपचारासाठी त्यांना दुसऱ्या रुग्णालयात हलविण्यात येत होते. मात्र, प्रवासादरम्यान त्यांच्या हालचाली होत नसल्याचे निदर्शनास आल्याने त्यांना तातडीने उपजिल्हा रुग्णालय, दापोली येथे दाखल करण्यात आले. रुग्णालयातील वैद्यकीय अधिकाऱ्यांनी तपासणी केल्यानंतर त्यांना मृत घोषित केले.
या घटनेची नोंद बीएनएसएस कलम १९४ अन्वये अकस्मात मृत्यू क्रमांक ५०/२०२६ म्हणून करण्यात आली आहे. मृत्यूचे नेमके कारण शवविच्छेदन अहवालानंतर स्पष्ट होणार असून पोलिसांकडून अधिक तपास सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
