खेड तालुक्यातील सुकीवली बौद्धवाडी येथे २० वर्षीय युवकाने राहत्या घरात गळफास घेऊन आत्महत्या केल्याची दुर्दैवी घटना शुक्रवारी (३१ जुलै) उघडकीस आली. या घटनेमुळे गावात हळहळ व्यक्त होत असून, खेड पोलीस या प्रकरणाचा अधिक तपास करत आहेत.
पोलिसांनी दिलेल्या माहितीनुसार, अथर्व परशराम राबते (वय २०, रा. सुकीवली बौद्धवाडी, ता. खेड, जि. रत्नागिरी) याने ३१ जुलै रोजी दुपारी १२.३० ते सायंकाळी ७.०० या कालावधीत राहत्या घरातील हॉलमध्ये पंख्याला साडीच्या सहाय्याने गळफास घेत आत्महत्या केली. घटनेची माहिती मिळताच खेड पोलिसांनी घटनास्थळी धाव घेत पंचनामा केला.
या प्रकरणी खेड पोलीस ठाण्यात आकस्मिक मृत्यू क्रमांक ६७/२०२६ अशी नोंद भारतीय नागरिक सुरक्षा संहिता (BNSS) कलम १९४ अन्वये करण्यात आली आहे.
प्राथमिक माहितीनुसार युवकाने कोणत्यातरी कारणामुळे हे टोकाचे पाऊल उचलल्याचे नमूद करण्यात आले असले, तरी आत्महत्येमागील नेमके कारण अद्याप स्पष्ट झालेले नाही.
पोलीस विविध अंगांनी तपास करत असून, युवकाच्या मृत्यूमागील कारणांचा शोध घेत आहेत. या घटनेमुळे सुकीवली परिसरात शोककळा पसरली असून ग्रामस्थांकडून हळहळ व्यक्त करण्यात येत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
