राजापूर तालुक्यातील ओणी-कोंडीवळे येथील गोतावडेवाडी परिसरात बंद घराच्या मागील दरवाजाची कडी तोडून घरात प्रवेश करत अज्ञात चोरट्याने सोन्या-चांदीचे दागिने चोरून नेल्याची घटना उघडकीस आली आहे. या घरफोडीत एकूण १ लाख ८ हजार ७६५ रुपये किमतीचे दागिने चोरीला गेले आहेत. या प्रकरणी राजापूर पोलीस ठाण्यात अज्ञात चोरट्याविरोधात गुन्हा दाखल करण्यात आला असून, चोरट्याचा शोध घेण्याचे आव्हान पोलिसांसमोर आहे.
पोलिसांकडून मिळालेल्या माहितीनुसार, शामसुंदर गजानन शेट्ये (वय ३४, रा. ओणी-कोंडीवळे, गोतावडेवाडी, ता. राजापूर) यांच्या राहत्या घरी २० ऑक्टोबर २०२६ रोजी सायंकाळी ५.४५ ते रात्री ९.४५ या वेळेत चोरीची घटना घडली. घरात कोणीही नसल्याची संधी साधून अज्ञात चोरट्याने घराच्या मागील दरवाजाची कडी तोडून आत प्रवेश केला. त्यानंतर बेडरूममधील कपाटात ठेवलेले सोन्या-चांदीचे दागिने चोरून नेले.
या चोरीमध्ये ८७ हजार ७६५ रुपये किमतीचे १२.८५ ग्रॅम वजनाचे सोन्याचे दागिने, तसेच २१ हजार रुपये किमतीचे चांदीचे दागिने असा एकूण १ लाख ८ हजार ७६५ रुपयांचा मुद्देमाल चोरीला गेला आहे. घरातील दागिने चोरीला गेल्याने परिसरात या घटनेची चर्चा सुरू झाली आहे.
या प्रकरणी २२ ऑक्टोबर २०२६ रोजी दुपारी २.२५ वाजता राजापूर पोलीस ठाण्यात भारतीय न्याय संहितेच्या कलम ३०५(अ), ३३१(३) आणि ३३१(४) अन्वये गुन्हा क्रमांक २७०/२०२६ दाखल करण्यात आला आहे.
बंद घराला लक्ष्य करून चोरट्याने ही चोरी केल्याने परिसरातील नागरिकांमध्ये चिंता व्यक्त होत आहे. चोरी करणाऱ्या अज्ञात व्यक्तीचा शोध घेऊन चोरीचा मुद्देमाल हस्तगत करण्याचे आव्हान पोलिसांसमोर आहे. या प्रकरणाचा पुढील तपास राजापूर पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
