चिपळूण तालुक्यातील मुर्तवडे सुतारवाडी येथे ४३ वर्षीय व्यक्तीने घराच्या पडवीमध्ये गळफास घेऊन आत्महत्या केल्याची घटना शुक्रवार, दि. ११ सप्टेंबर २०२६ रोजी सायंकाळी साडेपाच वाजण्याच्या सुमारास घडली. या घटनेची नोंद सावर्डे पोलीस ठाण्यात रात्री १०.०१ वाजता करण्यात आली आहे.
पोलिसांनी दिलेल्या माहितीनुसार, गुरुनाथ दत्ताराम पांचाळ (वय ४३, रा. मुर्तवडे सुतारवाडी, ता. चिपळूण) यांनी घरातील पडवीमध्ये लाकडी भाल्याला नायलॉनची दोरी बांधून गळफास घेतला. या घटनेत त्यांचा मृत्यू झाला.
ही घटना शुक्रवारी सायंकाळी ५.३० वाजण्याच्या सुमारास घडल्याचे पोलिस नोंदीत नमूद करण्यात आले आहे. घटनेची माहिती मिळाल्यानंतर याबाबत सावर्डे पोलीस ठाण्यात आकस्मिक मृत्यूची नोंद करण्यात आली.
या प्रकरणी कौस्तुभ कान्होबा पांचाळ यांनी खबर दिली असून, ते मयत गुरुनाथ पांचाळ यांचे चुलत भाऊ असल्याचे पोलिस नोंदीत नमूद आहे. या प्रकरणी २०/२०२६, बी.एन.एस.एस. कलम १९४ प्रमाणे नोंद करण्यात आली आहे.
दरम्यान, गुरुनाथ पांचाळ यांनी हे टोकाचे पाऊल नेमके कोणत्या कारणातून उचलले, याची माहिती अद्याप समोर आलेली नाही. या घटनेचा पुढील तपास सावर्डे पोलीस करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
