दापोली : डोळ्यांचे आरोग्य जपण्यासाठी आणि विविध नेत्रविकारांचे वेळेत निदान व्हावे या उद्देशाने मंगळवार, १ जुलै २०२६ रोजी दापोली येथे मोफत नेत्रतपासणी शिबिराचे आयोजन करण्यात आले आहे. हे शिबिर सर्व नागरिकांसाठी खुले असून, तज्ज्ञ नेत्रतज्ज्ञांकडून मोफत डोळ्यांची तपासणी करण्यात येणार आहे.
हे शिबिर सकाळी १०.०० ते दुपारी २.०० या वेळेत डॉ. मुनीर सारगुरो यांच्या दवाखान्यात, खान बहादूर मेमोरियल हॉस्पिटल, केळसकर नाका, दापोली येथे होणार आहे. या शिबिरामध्ये डोळ्यांच्या विविध तक्रारींची तपासणी, दृष्टीदोषाचे परीक्षण तसेच आवश्यकतेनुसार पुढील उपचारांबाबत मार्गदर्शन केले जाणार आहे.
सध्या वाढते स्क्रीन टाईम, बदलती जीवनशैली आणि वाढते वय यामुळे डोळ्यांच्या समस्या वाढत आहेत. अनेक वेळा डोळ्यांचे विकार सुरुवातीला कोणतीही स्पष्ट लक्षणे न दाखवता हळूहळू वाढतात. त्यामुळे नियमित नेत्रतपासणी करणे अत्यंत आवश्यक असल्याचे तज्ज्ञांचे मत आहे. या पार्श्वभूमीवर आयोजित करण्यात आलेले हे शिबिर नागरिकांसाठी उपयुक्त ठरणार आहे.
“डोळ्यांच्या आरोग्यासाठी एक पाऊल पुढे टाका… दृष्टी जपणे हीच काळाची गरज!” असा संदेश देत आयोजकांनी सर्व वयोगटातील नागरिकांनी या शिबिराचा लाभ घ्यावा, असे आवाहन केले आहे.
शिबिरासाठी पूर्वनोंदणी आवश्यक असून, इच्छुकांनी ७७४४८८४९२३ या क्रमांकावर संपर्क साधून आपली नोंदणी करावी. वेळेत नोंदणी करून या मोफत नेत्रतपासणी शिबिराचा लाभ घेण्याचे आवाहन आयोजकांनी केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
