कै. कृष्णामामा महाजन स्मृतिप्रतिष्ठान संचलित ‘कै. डॉ. मधुकर भिकाजी लुकतुके रुग्णोपयोगी साहित्य केंद्र, दाभोळ’ या महत्त्वपूर्ण समाजोपयोगी उपक्रमाचा उद्घाटन समारंभ आज, शुक्रवार दि. २६ जून २०२६ रोजी दुपारी ३.३० वाजता लोकमान्य टिळक स्मारक संस्था, दाभोळ (हायस्कूल ग्राउंड) येथे संपन्न होणार आहे.
या केंद्राच्या माध्यमातून विविध रुग्णोपयोगी साहित्य गरजू रुग्णांना उपलब्ध करून देण्यात येणार असून, परिसरातील नागरिकांसाठी हा उपक्रम मोठा दिलासादायक ठरणार आहे. सामाजिक बांधिलकी जपत आरोग्यसेवेच्या क्षेत्रात योगदान देण्याच्या उद्देशाने हा उपक्रम सुरू करण्यात आला आहे.
उद्घाटन समारंभाला महाराष्ट्र राज्याचे राज्यमंत्री योगेश कदम प्रमुख उपस्थित म्हणून उपस्थित राहणार आहेत. तसेच प्रतिष्ठानचे अध्यक्ष बिपिन पाटणे, कार्यवाह गंगाराम इदाते आणि उपाध्यक्ष मिहीर महाजन यांच्यासह प्रतिष्ठानचे पदाधिकारी, कार्यकर्ते व मान्यवर उपस्थित राहणार आहेत.
या उपक्रमाच्या यशस्वी आयोजनासाठी डॉ. आनंद गोंधळेकर, रोहन तोडणकर, राहुल गोंधळेकर, पंकज पालकर, ओंकार कात्रे, दीपक कुटरेकर, किरण फडणीस, दीप कुडाळकर, नितीन यादव, विनय पारदळे, रोहन यादव, समीर नवजेकर, संदेश साळवी, निकेश जाडे, सागर शिंदे, सुनिल पाते, कौस्तुभ वैद्य, विठ्ठल बाईत आणि किशोर तांबडे यांचा समावेश असलेल्या व्यवस्था समितीने विशेष परिश्रम घेतले आहेत.
प्रतिष्ठानतर्फे दाभोळ व परिसरातील नागरिकांना उद्घाटन समारंभास उपस्थित राहण्याचे आवाहन करण्यात आले आहे. समाजहिताच्या या उपक्रमामुळे गरजू रुग्णांना आवश्यक वैद्यकीय साहित्य सहज उपलब्ध होण्यास मदत होणार असून, आरोग्यसेवेच्या दिशेने हे एक महत्त्वपूर्ण पाऊल मानले जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
