हर्णे मार्गावरील आसूद पूल दरम्यान दोन चारचाकी वाहनांचा अपघात झाल्यावर त्यातील एका वाहनचालकाने दुस-या वाहनचालकाकडे झालेले नुकसान भरून
देण्याची मागणी केल्यावर ते देण्यास नकार दिल्याने दुसऱ्या वाहनातील ३ जणांनी मारहाण करून ७० हजार रुपये किमतीचा मोबाईल लंपास केल्याची तक्रार दापोली पोलीस ठाण्यात दाखल करण्यात आली आहे.
याबाबत दापोली पोलीस ठाण्यातून मिळालेल्या माहितीनुसार दापोली येथील फराज़ अन्वर रखांगे हे त्यांच्या मोटारीने दापोलीकडे १३ ऑक्टोबर रोजी रात्री ९.२५ च्या दरम्यान येत असताना आसूद पूल येथे आले असता समोरून येणाऱ्या वाहनाने त्यांच्या गाडीच्या उजव्या बाजूच्या आरशाला ठोकर दिली.
रखांगे यांच्याकडे त्या वाहन चालकाने झालेल्या नुकसानीची भरपाई मागितल्यांवर रखांगे यांनी तुम्हीच माझ्या गाडीला ठोकले असून तुम्ही पोलीस स्टेशनला चला असे म्हटल्यावर समोरील ३ जणांना राग आला व त्यांनी रखांगे यांना शिवीगाळ करून त्यांच्या गाडीच्या काचेवर हाताने जोरात फटका मारून काचेचे नुकसान केले व रखांगे यांच्या हातातील ७० हजार रुपये किमतीचा मोबाईल घेऊन निघून गेले.
या प्रकरणी रखांगे यांनी संशयित विष्णू विठ्ठल वाघमारे, विक्रांत विठ्ठल मळेकर, श्रीकांत रमेश मळेकर, सर्व रा. यांच्याविरोधात तक्रार दाखल केली आहे. अधिक तपास उपनिरीक्षक यादव करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569 Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
