दापोली तालुक्यातील केळशी गावात गांजा सेवन करणाऱ्या 4 अल्पवयीन मुलांना पोलिसांनी ताब्यात घेतलं आहे. या चार मुलांकडून चिलीम आणि इतर साहित्य जप्त करण्यात आले आहे.
यातील तिघांना पोलिसांनी रविवारी ताब्यात घेतले. संशयित मुख्य सूत्रधार फरार झाला मात्र त्याला दुसऱ्या दिवशी ताब्यात घेण्यात पोलिसांना यश आले. केळशी गुजरवाडा येथील खाडी किनारी असलेल्या छोट्या जेटीवर नेहमी रात्री अपरात्री दारू पिण्यासाठी आणि सिगारेट ओढण्यासाठी काही तरूण जात असतात.
रविवारी साडेसहाच्या सुमारास एका मुलाचा संशय आल्याने स्थानिक ग्रामस्थ विचारणा करण्यास गेले असता त्यांच्याकडे चीलीम सापडली आणि हा प्रकार जेटीवर असणाऱ्या इतर तीन मुलांना समजल्यावर त्यांनी काही वस्तू फेकून दिल्या. यातील मुख्य सूत्रधार घटनास्थळावरून पसार झाला व अन्य तिघांना पोलिसांनी ताब्यात घेतले.
त्यांच्याकडे गांजा ओढणारी चीलीम सापडली. मूख्य सूत्रधाराची गाडी तेथेच ठेवण्यात आली होती. परंतु चावी त्याच्याकडे असल्याने तो सकाळी पहाटे कोणी नसताना गाडी घेवून जाण्याच्या उद्देशाने आला तेव्हा ग्रामस्थांनी पकडले.
त्याच्याकडेही चीलीम आणि वापर केलेला कागद सापडले आणि इतर तिघांमधील एकाचा मोबाईल सापडला आहे. आडे दूरक्षेत्राचे अमंलदार राजू मोहिते यांनी तिघांना, तर मुख्य सूत्रधाराला दुसऱ्या दिवशी ताब्यात घेतलं आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
