गुहागर तालुक्यातील सडे जांभारी येथील ग्रामसेविकेची ६७ हजार ५०० रुपयांना फसवणूक केल्याचा प्रकार घडला आहे. या फसवणूक प्रकरणात पतीचा मित्र असल्याचे भासवले हजारो रुपये उकळले.
याप्रकरणी गुहागर पोलिस स्थानकात एकाविरोधात गुन्हा दाखल केला आहे. हा प्रकार ८ मे २०२४ रोजी दुपारी आबलोली-काष्टेवाडी येथे घडला.
याप्रकरणी अपूर्वा अमोल हुमणे (३८) यांनी फिर्याद दिली आहे. अपूर्वा हुमणे यांना अमरेश कुमार नावाच्या व्यक्तीने ९५६५६७९०९२ या मोबाइलवरून फोन करून त्यांच्या पतीचा मित्र असल्याचे सांगितले.
त्यानंतर अपूर्वा हुमणे यांच्या खात्यावर पैसे पाठवायचे असल्याचे सांगितले. त्यानंतर त्याने हुमणे यांच्या खात्यामध्ये १० हजार, २५ हजार आणि दोनवेळा ४५ हजार रुपये अशी रक्कम हस्तांतरित केल्याचे खोटे मेसेज पाठविले. त्यानंतर त्याने बँक ऑफ इंडियाच्या गुहागर शाखेतील खात्यातून ६७,५०० रुपये मोबाइल क्रमांशी कनेक्ट असलेल्या दुसऱ्या खात्यावर ट्रान्सफर करण्यास सांगितले.
या प्रकरणात आपली फसवणूक झाल्याचे लक्षात येताच अपूर्वा हुमणे यांनी थेट गुहागर पोलिस स्थानक गाठले. याप्रकरणी अमरेश कुमार याच्याविरोधात गुन्हा दाखल केला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
