दापोलीत खळबळजनक प्रकार समोर आला आहे. दापोली तालुक्यातील वणंद या गावात महिलेचा विवस्त्र अवस्थेतील मृतदेह सापडला असून हत्या केल्याचा संशय व्यक्त केला जातोय.
या महिलेचं नाव भाग्यश्री लोवरे असून विवस्त्र अवस्थेतील मृतदेह तिच्या राहत्या घरातच आढळला आहे. नातेवाईकांनी तिच्या मृत्यूबद्दल संशय व्यक्त केला असून या प्रकारामुळे दापोली तालुक्यात पुन्हा एकदा खळबळ निर्माण झाली आहे.
वणंद येथील लोवरेवाडीतील भाग्यश्री दशरथ लोवरे (50) या पतीच्या निधनानंतर घरी एकट्याच रहात असल्याची माहिती आहे. दरम्यान त्यांचा एक मुलगा आणि एक मुलगी कामानिमित्त मुंबई येथे राहत आहेत.
मात्र भाग्यश्री लोवरे या गावीच आपल्या घरी रहात होते. घर चावलण्यासाठी जवळच असलेल्या हर्णेलगत समुद्रकिनारी एका हॉटेलमध्ये कामाला होत्या. मात्र मंगळवारी त्यांचा विवस्त्र अवस्थेतील मृतदेह त्यांच्या घरी सापडला. या बाबत त्यांचा मुलगा दर्शन दशरथ लोवरे याने दापोली पोलीस स्थानकात तक्रार दिली असून भाग्यश्री लोवरे यांचा मृतदेह घरी सापडला,
त्यावेळी बाहेरचा दरवाजा व हॉलचा दरवाजा उघडा होता. त्याला आतून वा बाहेरून कडी लावण्यात आलेली नव्हती. आपली आई घरात एकटीच रहात असल्याने कधीही कडी न लावता झोपत नसे,
असेही त्यांच्या नातेवाईकांनी स्पष्ट केले. यामुळे घातपात झाल्याचा संशय नातेवाईकांनी व्यक्त केला आहे. या प्रकरणी दापोली पोलीस स्थानकात आकस्मिक मृत्यूची नोंद करण्यात आली आहे. या घटनेचा अधिक तपास दापोली पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
