दापोली शहरातील बुरोंडी मार्गावर दुचाकीस्वाराने पादचाऱ्याला दिलेल्या धडकेत दुचाकीस्वार व पादचारी जखमी झाल्याची घटना घडलीय.
याबाबत पोलिसांनी दिलेल्या माहितीनुसार, २४ रोजी रात्री ८.४० वाजण्याच्या सुमारास अजय पासवान व महेश सहानी, प्रमोद पासवान हे दापोली बाजारपेठेतून खरेदी करून ते काम करत असलेल्या दापोली बुरोंडी मार्गावरील हॉटेल साधना येथे जात होते.
ते किसान भवनजवळ असलेल्या हॉटेल श्रद्धा सबुरीजवळ येताच दापोलीकडून बुरोंडीकडे जाणाऱ्या दुचाकीचे (एमएच ०८, एक्स २८९९) चालक हषिकेश भिकाजी मिसाळ (रा. चंद्रनगर) यांनी महेश सहानी यांना धडक दिली.
या अपघातात सहानी यांच्या उजव्या पायाच्या नडगीला दुखापत झाली असून, पाय मोडला आहे; तर दुचाकीस्वार हृषिकेश मिसाळ हा दुचाकीसह रस्त्यावर पडल्याने त्यांच्याही डोक्याला दुखापत झाली.
दोघांनाही उपचारासाठी दापोलीच्या उपजिल्हा रुग्णालयात दाखल करण्यात आले. अजय पासवान यांनी हृषिकेश मिसाळ याच्याविरोधात तक्रार दाखल केली आहे. या अपघाताचा अधिक तपास हेडकॉन्स्टेबल अशोक गायकवाड करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
