बालिकेच्या विनयभंगप्रकरणी आरोपी तरुणाला १८ महिन्यांच्या कारावासाची शिक्षा ठोठावण्यात आली आहे. येथील जिल्हा व अतिरिक्त सत्र न्यायालय वर्गचे न्यायाधीश डॉ. सुधीर देशपांडे यांनी बुधवार, ११ ऑक्टोबर रोजी हा निकाल दिला.
🔴 तुम्हाला कोकणातल्या बातम्या
पाहायच्या असतील तर कोकण कट्टा Live च्या whatsapp ग्रुपमध्ये सहभागी व्हा
https://chat.whatsapp.com/DVfvKdr19CxKSPzdD9Ltsy
विनयभंगाची ही घटना कोरोना काळामध्ये गव्हे, ता. दापोली- घडली होती.
बौद्धवाडी येथील बुद्धविहारासमोर गव्हे येथील बुद्धविहारासमोरील रस्त्यावर एक पीडित मुलगी आपल्या मित्र-मैत्रिणीसोबत सायकल चालवत असताना आरोपी प्रवीण प्रताप भोसले (४०, रा. आंजर्ले, काळाचा कोड, गणपती मंदिराजवळ) याने तिला जवळ बोलावले.
आपल्या मोबाइलवर मित्राने चांगले व्हिडीओ टाकले आहेत ते बघ, असे सांगून त्याने तिला अश्लील व्हिडीओ दाखवले. त्यामुळे त्याच्याविरोधात पोलिसांनी भारतीय दंड विधान कलम ५०९ पोक्सो कायदा कलम १२ प्रमाणे गुन्हा दाखल केला होता.
या खटल्याच्या सुनावणी दरम्यान एकूण दहा साक्षीदार तपासण्यात आले. तपासिक अंमलदार म्हणून सहायक पोलिस निरीक्षक पूजा हिरेमठ, कोर्ट पैरवी म्हणून पोलिस हवालदार एस. बी. गायकवाड यांनी काम पाहिले.
सरकारी अभियोक्ता मृणाल जाडकर यांचा युक्तिवाद ग्राह्य धरून जिल्हा न्यायाधीश डॉ. सुधीर देशपांडे यांनी प्रवीण भोसले याला १८ महिन्यांच्या कारावासाची शिक्षा व पाच हजार रुपये दंड व तो न भरल्यास ३ महिन्यांची साधी कैद ठोठावली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
