दापोली : दापोली येथील नवीन मच्छी मार्केट परिसरात रविवारी (दि. ८ नोव्हेंबर) सायंकाळी मोठी दुर्घटना टळली. नवीन मच्छी मार्केटला लागून असलेल्या एका कंपाऊंडमधील भलेमोठे नारळाचे झाड अचानक विजेच्या तारांवर कोसळल्याची घटना घडली. या घटनेमुळे परिसरातील वीजपुरवठा खंडित झाला होता.
रविवारी सायंकाळी साडेपाच वाजण्याच्या सुमारास ही घटना घडली. नारळाचे झाड थेट विद्युत वाहिन्यांवर कोसळल्याने मोठा आवाज झाला. अचानक घडलेल्या या प्रकारामुळे परिसरात काही काळ भीतीचे वातावरण निर्माण झाले होते.
सुदैवाने, या घटनेत कोणतीही जीवितहानी झाली नाही किंवा कोणालाही दुखापत झाली नाही. त्यावेळी परिसरात वर्दळ कमी असल्याने मोठा अनर्थ टळला.
घटनेनंतर वीजपुरवठा खंडित झाला होता. संबंधित यंत्रणेकडून तातडीने दखल घेत पडलेले झाड हटविण्याचे तसेच वीजपुरवठा पूर्ववत करण्याचे काम हाती घेण्यात आले. त्यामुळे संभाव्य मोठी दुर्घटना टळल्याने नागरिकांनी सुटकेचा निःश्वास सोडला.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
