दापोली तालुक्यातील जालगाव चोरगेवाडी येथे एका ४८ वर्षीय व्यक्तीने राहत्या घरात गळफास घेऊन आत्महत्या केल्याची दुर्दैवी घटना १ नोव्हेंबर रोजी मध्यरात्री घडली. सचिन तुकाराम शिंदे (वय ४८, रा. जालगाव चोरगेवाडी, ता. दापोली) असे मृत व्यक्तीचे नाव आहे. त्यांना उपचारासाठी दापोली उपजिल्हा रुग्णालयात दाखल करण्यात आले होते. मात्र, वैद्यकीय अधिकाऱ्यांनी तपासून त्यांना मृत घोषित केले.
पोलिसांकडून मिळालेल्या प्राथमिक माहितीनुसार, सचिन शिंदे हे कोणताही कामधंदा करत नव्हते. तसेच त्यांना दारूचे व्यसन होते. दारू पिण्यासाठी ते पत्नींकडे वारंवार पैसे मागत असल्याने पती-पत्नीमध्ये यावरून किरकोळ वाद होत असल्याची माहिती पोलिसांच्या नोंदीत नमूद करण्यात आली आहे.
दरम्यान, १ नोव्हेंबर रोजी रात्री सुमारे २.४५ वाजण्याच्या सुमारास सचिन शिंदे यांनी राहत्या घरातील बेडरूममध्ये गळफास घेतल्याचे त्यांच्या पत्नीच्या निदर्शनास आले. त्यांनी तातडीने शेजारील नागरिकांना बोलावून घेतले. त्यानंतर शेजाऱ्यांच्या मदतीने त्यांना खाली उतरवून उपचारासाठी दापोली उपजिल्हा रुग्णालयात नेण्यात आले.
मात्र, रुग्णालयात दाखल केल्यानंतर वैद्यकीय अधिकाऱ्यांनी तपासणी करून त्यांना मृत घोषित केले. या घटनेमुळे जालगाव चोरगेवाडी परिसरात हळहळ व्यक्त होत आहे.
याप्रकरणी दापोली पोलीस ठाण्यात १ नोव्हेंबर २०२६ रोजी सकाळी ७.१५ वाजता भारतीय नागरिक सुरक्षा संहिता कलम १९४ अन्वये अपमृत्यू क्रमांक ८३/२०२६ अशी नोंद करण्यात आली आहे. दापोली पोलीस या घटनेचा पुढील तपास करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
