मुंबई-गोवा महामार्गावर लोटे एमआयडीसी परिसरात भरधाव महिंद्रा थार रॉक्स वाहनाने एका अनोळखी महिलेला धडक दिल्याची घटना ६ ऑगस्ट रोजी रात्री घडली. या अपघातात अंदाजे ४५ वर्षीय महिलेला किरकोळ तसेच गंभीर दुखापत झाली असून, अपघातप्रकरणी खेड पोलिसांनी चालकाविरोधात गुन्हा दाखल केला आहे.
पोलिसांनी दिलेल्या माहितीनुसार, ६ ऑगस्ट २०२६ रोजी रात्री सुमारे ९.१० वाजता मुंबई-गोवा महामार्गावर खेडहून चिपळूणच्या दिशेने महिंद्रा थार रॉक्स (क्र. MH-09-GU-7275) जात होती. लोटे एमआयडीसी येथील कॉर्टेवा कंपनीसमोर ही गाडी आली असता चालकाने वाहन भरधाव व हयगयीने चालविल्याचा आरोप आहे.
यावेळी मध्यवर्ती डिव्हायडरजवळून खेडच्या दिशेने जात असलेल्या अंदाजे ४५ वर्षीय अनोळखी महिलेला थारने समोरून धडक दिली. या धडकेत महिलेला किरकोळ तसेच गंभीर दुखापत झाली. तसेच थार वाहनाचेही किरकोळ नुकसान झाले.
या प्रकरणी खेड पोलीस ठाण्यात गुन्हा क्र. २३२/२०२६ दाखल करण्यात आला आहे. चालक आरीफ इसाक साठविलकर (वय ३७, रा. परळेमाण, ता. शाहूवाडी, जि. कोल्हापूर) याच्याविरोधात भारतीय न्यायसंहिता अधिनियम २०२३ मधील कलम २८१, १२५(अ), १२५(ब) तसेच मोटार वाहन कायदा कलम १८४ अन्वये गुन्हा नोंदवण्यात आला आहे.
या घटनेची फिर्याद अजित संतोष, पोलीस हेड कॉन्स्टेबल/१३९४, खेड पोलीस ठाणे यांनी दिली. जखमी महिलेचे नाव व गाव अद्याप समजू शकलेले नाही. प्रकरणाचा पुढील तपास खेड पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
