रत्नागिरी तालुक्यातील हातखंबा येथील सांबर टाके परिसरात एका अनोळखी पुरुषाचा मृतदेह आढळून आल्याची घटना सोमवारी, १२ ऑक्टोबर रोजी दुपारी उघडकीस आली. या घटनेमुळे परिसरात खळबळ उडाली आहे.
मिळालेल्या माहितीनुसार, हातखंबा गावातील सांबर टाके येथे प्रकाश गुरव यांच्या मालकीच्या जागेतील मोकळ्या कातळ जमिनीवर सुमारे ५० वर्षे वयाच्या पुरुषाचा मृतदेह आढळून आला. घटनेची माहिती मिळाल्यानंतर या प्रकरणाची नोंद रत्नागिरी ग्रामीण पोलीस ठाण्यात करण्यात आली.
मृत व्यक्तीची ओळख अद्याप पटलेली नसून, त्याचे नाव व गाव याबाबत माहिती समजू शकलेली नाही. मृतदेह पुढील कार्यवाहीसाठी रत्नागिरी येथील जिल्हा शासकीय रुग्णालयात नेण्यात आला आहे.
या व्यक्तीचा मृत्यू नेमका कोणत्या कारणाने झाला, याबाबत अधिकृत माहिती उपलब्ध झालेली नाही. मृत व्यक्तीची ओळख पटविण्यासह मृत्यूचे कारण स्पष्ट होण्यासाठी पुढील तपासाची आवश्यकता आहे.
या प्रकरणी रत्नागिरी ग्रामीण पोलीस ठाण्यात अकस्मात मृत्यू क्रमांक ९७/२०२६ अन्वये भारतीय नागरिक सुरक्षा संहिता (BNSS) कलम १९४ प्रमाणे नोंद करण्यात आली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
