कोसुंब-ताम्हाने मार्गावर बुधवारी दुपारी साडेएक वाजण्याच्या सुमारास चिरे वाहून नेणाऱ्या ट्रकने दुचाकीला दिलेल्या जोरदार धडकेत आंबवली येथील प्रतीक प्रमोद सावंत (वय ३२) या तरुणाचा जागीच मृत्यू झाला. या भीषण अपघातामुळे परिसरात हळहळ व्यक्त होत आहे.
मिळालेल्या माहितीनुसार, चिरे भरून जाणाऱ्या ट्रकची दुचाकीला जोरदार धडक बसली. या अपघातात प्रतीक सावंत गंभीर जखमी झाले. मात्र, त्यांचा जागीच मृत्यू झाल्याचे समोर आले.
कोसुंब-ताम्हाने मार्गावर चिरे वाहून नेणाऱ्या ट्रकची नियमित वाहतूक सुरू असते. या ट्रकचा वेग तसेच वाहनांचा फिटनेस, परवाने आणि इतर आवश्यक कागदपत्रांची तपासणी होते का, याबाबत परिसरातील नागरिकांकडून प्रश्न उपस्थित केले जात आहेत.
चिरे वाहतूक करणाऱ्या ट्रकचालकांवर कोणाचाही धाक नसल्याने हे ट्रक भरधाव वेगाने धावत असल्याचा आरोप स्थानिकांकडून केला जात आहे. त्यामुळे या मार्गावर वारंवार अपघाताचा धोका निर्माण होत असून, प्रशासनाने तातडीने या वाहनांची तपासणी करून वेगावर नियंत्रण आणावे, अशी मागणी नागरिकांकडून होत आहे.
या घटनेमुळे कोसुंब-ताम्हाने मार्गावरील अवजड वाहनांच्या वाहतुकीचा आणि वाहतूक सुरक्षेचा प्रश्न पुन्हा ऐरणीवर आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
