रत्नागिरी शहरातील आरटीओ कार्यालयाजवळील मानस रेसिडेन्सी येथे मुल होण्यासाठी औषध तयार करून विधी करण्याचे आमिष दाखवत एका गृहिणीची १ लाख ४४ हजार रुपयांच्या सोन्याच्या दागिन्यांची फसवणूक झाल्याचा प्रकार उघडकीस आला आहे. या प्रकरणी रत्नागिरी शहर पोलीस ठाण्यात दोन अज्ञात महिलांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, १६ जुलै २०२६ रोजी दुपारी १२ ते १ वाजण्याच्या सुमारास ही घटना मानस रेसिडेन्सी, आरटीओ कार्यालयाजवळ घडली. फिर्यादी सान्वी समित आंब्रे (वय ३०, व्यवसाय गृहिणी) यांना आरोपी महिलांनी मुल होण्यासाठी विशेष औषध तयार करून धार्मिक विधी करण्याचे आमिष दाखवले.
यावेळी आरोपींनी सोन्याचे दागिने एका कागदात बांधून साडीत गुंडाळून ठेवण्याचे नाटक करत फिर्यादीचा विश्वास संपादन केला. त्यानंतर चलाखीने दागिने घेऊन पोबारा केला.
या फसवणुकीत ६९ हजार रुपये किमतीचे दीड तोळ्याचे छोटे मंगळसूत्र तसेच ७५ हजार रुपये किमतीचे दीड तोळ्याचे सोन्याचे टॉप्स असा एकूण १ लाख ४४ हजार रुपयांचा ऐवज लंपास करण्यात आला.
या प्रकरणी ६ ऑगस्ट २०२६ रोजी रत्नागिरी शहर पोलीस ठाण्यात गुन्हा क्रमांक २६१/२०२६ नोंद करण्यात आला असून, भारतीय न्याय संहिता (BNS) २०२३ मधील कलम ३१६(२), ३१८(४) आणि ३(५) अंतर्गत दोन अज्ञात महिलांविरुद्ध गुन्हा दाखल करण्यात आला आहे. पोलीस पुढील तपास करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
