गुहागर तालुक्यातील कुटगिरी गावठाणानजीक असलेला लोखंडी साकव अचानक कोसळल्याने मोठी दुर्घटना घडली. साकवाखाली अडकलेल्या ६ ते ७ जनावरांपैकी एका बैलाचा जागीच मृत्यू झाला, तर ६ जनावरे जखमी झाल्याची माहिती गुहागर आपत्ती व्यवस्थापन विभागाने दिली.
घटनेची माहिती मिळताच प्रशासनाने तातडीने हालचाल करत मंडळ अधिकारी घटनास्थळी दाखल झाले. तसेच जिल्हा परिषद बांधकाम विभागाचे उपअभियंता आणि पशुवैद्यकीय अधिकारी यांना घटनास्थळी पोहोचण्याच्या सूचना देण्यात आल्या.
स्थानिक नागरिक आणि संबंधित यंत्रणांच्या मदतीने साकवाखाली अडकलेली जनावरे बाहेर काढण्यात आली. मात्र, या दुर्घटनेत एका बैलाचा मृत्यू झाला असून उर्वरित सहा जखमी जनावरांवर पशुवैद्यकीय उपचार सुरू करण्यात आले आहेत.
या घटनेमुळे परिसरात हळहळ व्यक्त होत असून, साकवाच्या सुरक्षिततेबाबत प्रश्नचिन्ह निर्माण झाले आहे. दुर्घटनेच्या कारणांचा शोध घेण्याचे काम प्रशासनाकडून सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
