लांजा तालुक्यातील आरगाव बौद्धवाडी येथे घराशेजारील चिऱ्याचा बांध बांधण्याचे काम सुरू असताना झालेल्या दुर्घटनेत एका मजूर महिलेचा दुर्दैवी मृत्यू झाला. पावसामुळे बांध कोसळून तो महिलेच्या अंगावर पडल्याने ती गंभीर जखमी झाली होती. उपचारादरम्यान तिचा मृत्यू झाला.
पोलिसांनी दिलेल्या माहितीनुसार, ही घटना सोमवार, २२ जून रोजी सायंकाळी साडेचारच्या सुमारास घडली. मृत महिलेचे नाव कल्पना कमलाकर यद्रे (वय ३९, रा. आरगाव कुणणेगाव) असे आहे. त्या आरगाव बौद्धवाडी येथील मुकुंद कदम यांच्या घरी मजुरीचे काम करण्यासाठी गेल्या होत्या.
घराशेजारील चिऱ्याचा बांध उभारण्याचे काम सुरू असताना कल्पना यद्रे या त्या ठिकाणी मातीचा भराव टाकण्याचे काम करत होत्या. दरम्यान, सायंकाळी अचानक पावसाला सुरुवात झाली आणि बांध कोसळला. या दुर्घटनेत बांधाचा मोठा भाग त्यांच्या अंगावर पडल्याने त्या गंभीर जखमी झाल्या.
घटनास्थळी उपस्थित नागरिकांनी त्यांना तातडीने उपचारासाठी लांजा येथील खासगी रुग्णालयात दाखल केले. मात्र, उपचार सुरू असताना रात्री सुमारे ७.४५ वाजता त्यांची प्राणज्योत मालवली.
या प्रकरणी लांजा पोलीस ठाण्यात आकस्मिक मृत्यूची नोंद करण्यात आली असून पोलीस निरीक्षक निळकंठ बगळे यांच्या मार्गदर्शनाखाली पोलीस हेड कॉन्स्टेबल व्ही. डी. जाधव अधिक तपास करीत आहेत. या घटनेमुळे आरगाव परिसरात हळहळ व्यक्त होत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
