रत्नागिरी जिल्हा मध्यवर्ती सहकारी बँकेच्या देवरुख शाखेच्या वाहन कर्ज प्रकरणात दिलेला धनादेश बाऊन्स झाल्याप्रकरणी देवरुख येथील न्यायदंडाधिकारी प्रथम वर्ग न्यायालयाने आरोपी मुआज्जम महमद साटविलकर याला दोषी ठरवत ३९ लाख ५० हजार रुपयांचा दंड आणि साध्या कैदेची शिक्षा सुनावली आहे. दंडाची रक्कम न भरल्यास वाढीव कैदेची शिक्षाही न्यायालयाने सुनावली आहे.
मिळालेल्या माहितीनुसार, रत्नागिरी जिल्हा मध्यवर्ती सहकारी बँक लि.च्या देवरुख शाखेकडून साटविलकर याला वाहन कर्ज मंजूर करण्यात आले होते. कर्जाच्या परतफेडीसाठी त्याने बँकेला धनादेश दिला होता. मात्र संबंधित खात्यात पुरेशी शिल्लक नसल्याने धनादेश अनादरित (बाऊन्स) झाला.
यानंतर बँकेने निगोशिएबल इन्स्ट्रुमेंट ॲक्टच्या कलम १३८ अंतर्गत देवरुख येथील न्यायदंडाधिकारी प्रथम वर्ग न्यायालयात दावा दाखल केला होता. या खटल्यात बँकेच्या वतीने ॲड. वाय. जी. चंदगडकर यांनी सादर केलेले दस्तऐवज आणि युक्तिवाद न्यायालयाने ग्राह्य धरले.
सर्व पुरावे आणि नोंदींचा विचार करून न्यायालयाने मुआज्जम महमद साटविलकर याला दोषी ठरवत ३९.५० लाख रुपयांचा दंड आणि कैदेची शिक्षा सुनावली.
निर्णय देताना न्यायालयाने, “चेकद्वारे दिलेले आर्थिक आश्वासन पाळणे आणि व्यवहारांमध्ये पारदर्शकता राखणे ही कायद्याची मूलभूत अपेक्षा आहे,” असे निरीक्षण नोंदविले. या निकालामुळे आर्थिक व्यवहारांमध्ये धनादेशाच्या विश्वासार्हतेबाबत महत्त्वाचा संदेश गेल्याचे मानले जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
