दापोली शहरातील एच.पी. गॅस मेहेंदळे एजन्सी येथे माहिती घेण्यासाठी गेलेल्या ६५ वर्षीय ज्येष्ठ नागरिकाचा अचानक चक्कर येऊन मृत्यू झाल्याची घटना बुधवारी घडली. या प्रकरणी दापोली पोलीस ठाण्यात अकस्मात मृत्यूची नोंद करण्यात आली आहे.
पोलिसांनी दिलेल्या माहितीनुसार, दत्ताराम शंकर शेडगे (वय ६५, मूळ रा. आवाशी भावईवाडी, पो. टांगर, ता. दापोली, सध्या रा. शिवाजीनगर, दापोली) हे १८ जून २०२६ रोजी दुपारी सुमारे ३.१५ वाजता दापोली येथील एच.पी. गॅस मेहेंदळे एजन्सीमध्ये काही माहिती घेण्यासाठी रिक्षाने गेले होते.
यावेळी त्यांना अचानक चक्कर आली आणि ते तेथेच कोसळले. घटनेनंतर रिक्षाचालक व परिसरातील नागरिकांनी तत्काळ त्यांना उपचारासाठी उपजिल्हा रुग्णालय, दापोली येथे दाखल केले. मात्र, वैद्यकीय अधिकाऱ्यांनी तपासणी केल्यानंतर त्यांना मृत घोषित केले.
या घटनेची माहिती मंगेश गंगाराम शेडगे यांनी पोलिसांना दिली. त्यानुसार दापोली पोलीस ठाण्यात अकस्मात मृत्यू क्रमांक ५१/२०२६ भारतीय नागरिक सुरक्षा संहिता (बीएनएसएस) कलम १९४ अन्वये नोंद करण्यात आली असून पुढील तपास सुरू आहे.
अचानक झालेल्या या घटनेमुळे परिसरात हळहळ व्यक्त होत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
