रत्नागिरी जिल्ह्यातील खेड तालुक्यातील सुकीवली येथील खाण परिसरात डंपर पलटी होऊन चालकाचा दुर्दैवी मृत्यू झाल्याची घटना १० जून २०२६ रोजी सकाळी १० वाजण्याच्या सुमारास घडली.
याप्रकरणी खेड पोलीस ठाण्यात गुन्हा क्रमांक १७१/२०२६ दाखल करण्यात आला आहे. फिर्यादी म्हणून सनिल सखाराम पवार (वय ३९, रा. चिंचघर-दस्तुरी, ता. खेड) यांनी तक्रार दिली आहे.
माहितीनुसार, नितीन विजय पवार (वय २२, रा. दस्तुरी-चिंचघर, ता. खेड, सध्या मळरा, ता. संगमनेर, जि. अहिल्यानगर) हा डंपर (एमएच ०८ डब्ल्यू ८४१७) चालवत होता. वेरळ येथील क्रशरमधून ग्रीट पावडर भरून तो सुकीवली येथील खाणीत आला होता. ग्रीट पावडर खाली करण्यासाठी डंपर मागे घेत असताना निष्काळजीपणा व मागील बाजूकडे दुर्लक्ष झाल्याने डंपर थेट खाणीत पलटी झाला.
या भीषण अपघातात चालक नितीन पवार गंभीर जखमी झाला. त्याला उपचारासाठी हलविण्यात आले, मात्र त्याचा मृत्यू झाला.
या प्रकरणी भारतीय न्याय संहिता २०२३ च्या कलम १०६(१), २८१, १२५(अ)(ब) तसेच मोटार वाहन कायदा कलम १८४ अन्वये गुन्हा दाखल करण्यात आला असून खेड पोलीस अधिक तपास करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
