चिपळूण तालुक्यातील खरवते बौद्धवाडी येथे एका ६२ वर्षीय वृद्धाने राहत्या घरात गळफास घेऊन आत्महत्या केल्याची हृदयद्रावक घटना घडली आहे. या घटनेमुळे परिसरात हळहळ व्यक्त होत असून गावावर शोककळा पसरली आहे. अनिल गोविंद पवार असे मृत वृद्धाचे नाव असून, गेल्या दोन वर्षांपासून सुरू असलेल्या गंभीर गुडघेदुखीच्या त्रासाला कंटाळून त्यांनी हे टोकाचे पाऊल उचलल्याची माहिती प्राथमिक तपासातून समोर आली आहे.
मिळालेल्या माहितीनुसार, अनिल पवार हे काही वर्षांपासून गुडघेदुखीच्या तीव्र आजाराने त्रस्त होते. वाढते वय, सततच्या वेदना आणि हालचालींवरील मर्यादा यामुळे त्यांचे दैनंदिन जीवन कठीण बनले होते. विविध उपचार करूनही प्रकृतीत अपेक्षित सुधारणा होत नसल्याने ते मानसिकदृष्ट्याही अस्वस्थ झाले होते. सततच्या शारीरिक त्रासामुळे ते नैराश्यात गेले असल्याची चर्चा परिसरात सुरू आहे.
१३ मे रोजी सायंकाळी साडेपाचच्या सुमारास त्यांनी आपल्या राहत्या घरातील बेडरूममध्ये गळफास लावून घेतला. बराच वेळ ते बाहेर न आल्याने कुटुंबीयांनी खोलीत पाहिले असता हा धक्कादायक प्रकार उघडकीस आला. कुटुंबीयांनी तातडीने मदतीसाठी धावपळ केली; मात्र तोपर्यंत त्यांचा मृत्यू झाला होता. घटनेनंतर नातेवाईकांनी आणि ग्रामस्थांनी घटनास्थळी गर्दी केली होती.
या घटनेची माहिती मिळताच चिपळूण पोलीस ठाणे येथील पोलिसांनी घटनास्थळी भेट देत पंचनामा केला. याप्रकरणी भारतीय नागरिक सुरक्षा संहिता (BNSS) कलम १९४ अंतर्गत आकस्मिक मृत्यूची नोंद करण्यात आली असून अधिक तपास सुरू आहे. मृतदेह शवविच्छेदनासाठी पाठवण्यात आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
