चिपळूण तालुक्यातील खेर्डी दत्तवाडी परिसरात महिलांसाठी एक आगळावेगळा आणि उत्साहवर्धक कार्यक्रम आयोजित करण्यात आला असून, ‘खेळ पैठणीचा, सन्मान नारी शक्तीचा’ या उपक्रमाची जोरदार चर्चा सध्या परिसरात रंगली आहे. महिला सक्षमीकरण, सन्मान आणि मनोरंजन या तिन्ही गोष्टींचा सुंदर संगम साधणारा हा कार्यक्रम 10 मे रोजी सायंकाळी 7 वाजता कलावती आई मंदिराशेजारील पल्लोड मैदान येथे पार पडणार आहे.
या भव्य कार्यक्रमामागे युवा उद्योजक आणि दत्तवाडी मित्र मंडळाचे आधारस्तंभ Ajinkya Pawar यांची प्रमुख भूमिका असून, त्यांच्या पुढाकारामुळेच हा उपक्रम साकारत आहे. महिलांना व्यासपीठ मिळावे, त्यांचा आत्मविश्वास वाढावा आणि त्यांना आनंदाचा क्षण अनुभवता यावा, या उद्देशाने या कार्यक्रमाचे आयोजन करण्यात आले आहे.
कार्यक्रमाचे मुख्य आकर्षण म्हणजे ‘होम मिनिस्टर – खेळ पैठणीचा’ हा लोकप्रिय आणि रंगतदार खेळ. या खेळाचे सादरीकरण दिग्दर्शक Santosh Tamhane यांच्या मार्गदर्शनाखाली होणार असून, त्यांच्या खास शैलीत कार्यक्रमाला वेगळीच रंगत येणार आहे. या स्पर्धेत सहभागी होणाऱ्या महिलांना विविध फेऱ्यांमधून जावे लागणार असून, विजेत्या महिलांना आकर्षक पैठणी साड्यांचे बक्षीस दिले जाणार आहे.
या कार्यक्रमाला मराठी मनोरंजन विश्वातील प्रसिद्ध अभिनेत्री Janhavi Killekar प्रमुख पाहुण्या म्हणून उपस्थित राहणार आहेत. त्यांच्या उपस्थितीमुळे कार्यक्रमाची शोभा अधिकच वाढणार असून, उपस्थित महिलांसाठी तो एक खास अनुभव ठरणार आहे.
कार्यक्रमात सहभागी होणाऱ्या महिलांसाठी लकी ड्रॉचे आयोजनही करण्यात आले आहे. या लकी ड्रॉमध्ये बंपर बक्षीस म्हणून एक दुचाकी गाडी ठेवण्यात आली आहे. याशिवाय, प्रथम क्रमांकासाठी फ्रिज, द्वितीय क्रमांकासाठी एअर कूलर, तृतीय क्रमांकासाठी मिक्सर आणि चतुर्थ क्रमांकासाठी प्रेशर कुकर अशी आकर्षक बक्षिसे ठेवण्यात आली आहेत. त्यामुळे सहभागी महिलांमध्ये विशेष उत्सुकता पाहायला मिळत आहे.
महिलांच्या सन्मानासाठी आणि त्यांच्या मनोरंजनासाठी आयोजित करण्यात आलेल्या या कार्यक्रमाला खेर्डी आणि परिसरातील महिलांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन आयोजक Ajinkya Pawar यांनी केले आहे.
दरम्यान, कार्यक्रमाच्या तयारीला अंतिम टप्पा गाठला असून, संपूर्ण परिसरात उत्साहाचे वातावरण निर्माण झाले आहे. स्थानिक महिलांमध्ये या कार्यक्रमाबाबत मोठी उत्सुकता असून, हा कार्यक्रम नक्कीच संस्मरणीय ठरणार असल्याचे चित्र सध्या दिसत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
