संगमेश्वर तालुक्यातील निवे बुद्रुक, शिंदेवाडी येथील घरफोडी प्रकरणाचा देवरुख पोलिसांनी यशस्वी छडा लावला असून, या प्रकरणात घरमालकाच्या जावयालाच अटक करण्यात आली आहे. विशेष म्हणजे, चोरी केलेले सोन्याचे दागिने आरोपीने बँकेत गहाण ठेवल्याचे तपासात उघड झाले आहे.
मिळालेल्या माहितीनुसार, शिंदेवाडी परिसरातील रहिवासी संतोष दौलत पाल्ये यांच्या घरात २४ जानेवारी ते ५ मार्च २०२६ या कालावधीत चोरीची घटना घडली होती. घरातील बंद कपाटातील एक सोन्याचा हार आणि एक चैन अज्ञात चोरट्याने लंपास केली होती. कपाटाचे कुलूप न तोडता अत्यंत शिताफीने ही चोरी करण्यात आली होती. चोरीचा प्रकार लक्षात येताच संतोष पाल्ये यांनी देवरुख पोलीस ठाण्यात तक्रार दाखल केली. त्यानुसार पोलिसांनी अज्ञात आरोपीविरोधात गुन्हा नोंदवून तपास सुरू केला.
तपासादरम्यान पोलिसांना घरातील व्यक्तीवर संशय आला. तांत्रिक विश्लेषण आणि सखोल चौकशीच्या आधारे संतोष पाल्ये यांचा जावई सचिन दत्तात्रय नाखरेकर याला ताब्यात घेण्यात आले.
चौकशीत त्याने गुन्ह्याची कबुली दिल्याचे समोर आले असून, चोरी केलेले दागिने त्याने बँकेत गहाण ठेवल्याची माहितीही उघड झाली आहे. देवरुख पोलिसांनी आरोपी सचिन नाखरेकर याला अटक केली असून, चोरीला गेलेला मुद्देमाल जप्त करण्याची प्रक्रिया सुरू आहे. या प्रकरणाचा पुढील तपास सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
