रत्नागिरी शहरात अमली पदार्थांविरोधात पोलिसांनी मोठी कारवाई करत सुमारे ४२ हजार रुपये किमतीच्या ब्राऊन शुगरसह एका संशयिताला अटक केली आहे. या कारवाईमुळे शहरातील वाढत्या अमली पदार्थांच्या तस्करीवर काही प्रमाणात आळा बसण्याची शक्यता व्यक्त केली जात आहे.
रत्नागिरी जिल्ह्यात गेल्या काही दिवसांपासून अमली पदार्थांची खरेदी-विक्री वाढत असल्याची गोपनीय माहिती पोलिसांना मिळत होती. या पार्श्वभूमीवर जिल्हा पोलीस प्रशासनाने विशेष मोहीम हाती घेतली. पोलीस अधीक्षक नितीन बगाटे, अपर पोलीस अधीक्षक बाबुराव महामुनी आणि उपविभागीय पोलीस अधिकारी निलेश माईनकर यांच्या मार्गदर्शनाखाली ही कारवाई करण्यात आली. पोलीस निरीक्षक विवेक पाटील यांनी गुन्हे प्रकटीकरण पथकाला सतर्क राहण्याच्या सूचना दिल्या होत्या.
२७ एप्रिल रोजी दुपारच्या सुमारास पोलीस उपनिरीक्षक सागर शिंदे आणि त्यांचे सहकारी रत्नागिरी शहरात गस्त घालत होते. यावेळी पॉलिटेक्निक कॉलेजच्या मागील बाजूस असलेल्या गगनगिरी मठ रोड परिसरात एक व्यक्ती संशयास्पद हालचाली करताना पोलिसांच्या नजरेस पडली. पोलिसांनी तत्काळ त्याला ताब्यात घेऊन चौकशी केली.
पंचांसमक्ष त्याची अंगझडती घेतली असता त्याच्याकडून ब्राऊन हिरॉईन (ब्राऊन शुगर) सदृश अमली पदार्थ आढळून आला. या पदार्थाचे वजन सुमारे ३.५ ग्रॅम असून त्याची बाजारातील किंमत अंदाजे ४२ हजार रुपये इतकी आहे. तसेच अमली पदार्थ विक्रीसाठी वापरले जाणारे काही साहित्यही पोलिसांनी जप्त केले आहे.
या प्रकरणी राहिल अजिज सुवर्णदुर्गकर (वय ३०, रा. राजीवडा बांध, रत्नागिरी) याला अटक करण्यात आली असून त्याच्याविरोधात संबंधित कायद्यांनुसार गुन्हा दाखल करण्यात आला आहे.
या कारवाईमुळे रत्नागिरी शहरातील अमली पदार्थ विक्रेत्यांमध्ये भीतीचे वातावरण निर्माण झाले आहे. पोलिसांनी या प्रकरणाचा अधिक तपास सुरू ठेवला असून, या मागे मोठे जाळे कार्यरत आहे का, याचाही शोध घेतला जात आहे.
दरम्यान, जिल्ह्यात अमली पदार्थांविरोधातील कारवाया आणखी तीव्र करण्यात येणार असल्याचे संकेत पोलीस प्रशासनाकडून देण्यात आले आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
