खेड : आपत्तीच्या काळात तत्परतेने मदतकार्य करण्यासाठी स्थानिक पातळीवर प्रशिक्षित मनुष्यबळ तयार व्हावे, या उद्देशाने संकट मोचन बळ सेफ्टी ट्रेनिंग इन्स्टिट्यूट संस्था आणि Khed Nagar Parishad यांच्या संयुक्त विद्यमाने आयोजित करण्यात आलेल्या आपत्ती व्यवस्थापन शोध व बचाव प्रशिक्षण मोहिमेत सहभागी झालेल्या स्वयंसेवकांचा आज, दि. १४ एप्रिल २०२६ रोजी विशेष सन्मान करण्यात आला.
या प्रशिक्षणात सहभागी होऊन यशस्वीरित्या उत्तीर्ण झालेल्या स्वयंसेवकांना प्रमाणपत्र देऊन गौरविण्यात आले. कार्यक्रमाचे आयोजन खेड नगरपरिषद सभागृहात करण्यात आले होते. या वेळी नगराध्यक्षा Madhavi Butala यांच्या हस्ते प्रमाणपत्रांचे वितरण करण्यात आले.
कार्यक्रमाला संजय मोदी, मिनार चिखले, नगरसेवक भूषण चिखले, प्रेमल चिखले, संजना कुडाळकर, पवार मॅडम, रेश्मा खातीब, अंजुम कुरणे, आरिफ मुल्लाजी, तौसीफ खोत, रहीम साहिबोले तसेच नगरपरिषदेचे अधिकारी बोंडले यांची प्रमुख उपस्थिती होती.
प्रशिक्षण पूर्ण करून सन्मानित करण्यात आलेल्या स्वयंसेवकांमध्ये अब्दुलबासीत सुर्वे (रेस्क्यू टीम खेड), सरफराज पंगारकर (कोकणी मुस्लीम संघ खेड), आसिफ जुईकर (अल सफा फाउंडेशन खेड), मातीन कावलेकर, अफझल पंगारकर आणि मोहम्मद शरीफ पंगारकर (पोत्रीक मोहल्ला) यांचा समावेश होता.
या प्रशिक्षणात आपत्तीच्या वेळी बचावकार्याची प्राथमिक तत्त्वे, शोध मोहीम, अडकलेल्या व्यक्तींना सुरक्षित बाहेर काढण्याचे तंत्र, आपत्कालीन प्रतिसाद व्यवस्था, प्रथमोपचार आणि समन्वय कौशल्य याबाबत सखोल मार्गदर्शन देण्यात आले. प्रशिक्षणादरम्यान प्रत्यक्ष प्रात्यक्षिकांद्वारे स्वयंसेवकांना विविध आपत्ती परिस्थितींना सामोरे जाण्याचे प्रशिक्षणही देण्यात आले.
अलीकडच्या काळात नैसर्गिक आपत्ती, दुर्घटना आणि आपत्कालीन प्रसंग वाढत असल्याने अशा प्रकारचे प्रशिक्षण अत्यंत आवश्यक असल्याचे मानले जाते. स्थानिक तरुणांनी यात उत्स्फूर्त सहभाग नोंदवून सामाजिक जबाबदारीची जाणीव दाखवली आहे.
नगराध्यक्षा Madhavi Butala यांनी आपल्या मनोगतात सांगितले की, “आपत्तीच्या वेळी सरकारी यंत्रणेबरोबर प्रशिक्षित स्वयंसेवकांची मदत अमूल्य ठरते. अशा प्रशिक्षणामुळे समाजात सजगता वाढते आणि आपत्कालीन परिस्थितीत जीवितहानी कमी करण्यास मदत होते.”
या उपक्रमामुळे खेड तालुक्यात प्रशिक्षित स्वयंसेवकांची एक सक्षम फळी तयार झाली असून, भविष्यात आपत्ती व्यवस्थापनात त्यांचा मोठा उपयोग होणार असल्याचा विश्वास आयोजकांनी व्यक्त केला.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
