महाराष्ट्रातील उद्योजक क्षेत्रासाठी अभिमानाची बातमी म्हणजे, मराठी युवा उद्योजक Rupesh Chandrakant Kolte यांना Yashwantrao Chavan Foundation तर्फे देण्यात येणारा मानाचा “यशवंतराव चव्हाण पुरस्कार 2026” जाहीर झाला आहे. हा पुरस्कार त्यांच्या उद्योजकीय कार्याबरोबरच सामाजिक बांधिलकीच्या कार्याची दखल घेत प्रदान करण्यात आला आहे.
रुपेश कोलते हे Shri Swami Samarth Distributor या संस्थेचे प्रमुख असून, त्यांनी अत्यंत प्रतिकूल परिस्थितीतून व्यवसायाची सुरुवात करत स्वतःचे वेगळे स्थान निर्माण केले आहे. प्रामाणिकपणा, मेहनत आणि सातत्य या त्रिसूत्रीवर विश्वास ठेवत त्यांनी व्यवसायात उल्लेखनीय यश संपादन केले आहे.
विशेष म्हणजे, कोलते यांनी व्यवसायाकडे केवळ नफ्याच्या दृष्टीने न पाहता “60 टक्के व्यवसाय आणि 40 टक्के सामाजिक बांधिलकी” या तत्त्वावर वाटचाल केली आहे. ग्रामीण भागात तसेच मुंबईसह महाराष्ट्रभर सोलर स्ट्रीट लाईट क्षेत्रात जनजागृती करून सौर ऊर्जेचा प्रसार करण्याचे महत्त्वपूर्ण काम त्यांनी केले आहे. त्यांच्या या उपक्रमामुळे अनेक गावांमध्ये पर्यावरणपूरक ऊर्जा वापराविषयी जागरूकता निर्माण झाली आहे.
रुपेश कोलते यांनी मराठी तरुणांनी व्यवसाय क्षेत्रात उतरावे, एकमेकांना सहकार्य करावे आणि स्वतःसोबत इतरांनाही प्रगतीची संधी द्यावी, हा संदेश सातत्याने दिला आहे. त्यांच्या प्रेरणेतून अनेक युवक उद्योजकतेकडे वळत असल्याचेही दिसून येते.
या पुरस्काराबाबत भावना व्यक्त करताना रुपेश कोलते म्हणाले की, “हा सन्मान केवळ माझा नाही; माझ्यावर विश्वास ठेवणाऱ्या प्रत्येक ग्राहकाचा, साथ देणाऱ्या मित्रांचा आणि मला प्रेरणा देणाऱ्या सर्वांचा आहे. हा पुरस्कार माझ्या आयुष्यातील सर्वांत मोठा आणि अभिमानाचा क्षण आहे.”
Yashwantrao Chavan Foundation यांनी त्यांच्या सामाजिक कार्याची आणि उद्योजकीय योगदानाची घेतलेली दखल ही संपूर्ण मराठी उद्योजक विश्वासाठी प्रेरणादायी ठरली आहे.
रुपेश कोलते यांच्या या यशामुळे महाराष्ट्रातील युवा उद्योजकांमध्ये नवचैतन्य निर्माण झाले असून, त्यांच्या पुढील वाटचालीसाठी सर्व स्तरांतून शुभेच्छांचा वर्षाव होत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
